വേഗത്തിൽ 1000 ടെസ്റ്റ് റൺസുകൾ തികക്കുന്ന മൂന്നാമത്തെ ഇന്ത്യൻ താരമായി മായങ്ക് അഗർവാൾ

- Advertisement -

ടെസ്റ്റ് ക്രിക്കറ്റിൽ ഏറ്റവും വേഗത്തിൽ 1000 റൺസ് പൂർത്തിയാക്കുന്ന മൂന്നാമത്തെ ഇന്ത്യൻ താരമായി മായങ്ക് അഗർവാൾ. ഓസ്‌ട്രേലിയക്കെതിരായ ഒന്നാം ടെസ്റ്റിന്റെ രണ്ടാം ഇന്നിങ്സിൽ 9 റൺസ് എടുത്ത് മായങ്ക് അഗർവാൾ പുറത്തായെങ്കിലും താരം ടെസ്റ്റിൽ 1000 റൺസ് പൂർത്തിയാക്കുകയായിരുന്നു. 19 ടെസ്റ്റ് ഇന്നിങ്‌സുകളിൽ നിന്നാണ് മായങ്ക് അഗർവാൾ 1000 റൺസ് നേടിയത്.

തന്റെ ടെസ്റ്റ് കരിയറിൽ 1 സെഞ്ചുറിയും 2 ഡബ്ബിൾ സെഞ്ചുറിയും മായങ്ക് അഗർവാൾ ഇന്ത്യക്ക് വേണ്ടി നേടിയിട്ടുണ്ട്. നിലവിൽ 14 ഇന്നിങ്‌സുകളിൽ നിന്ന് 1000 റൺസ് നേടിയ മുൻ ഇന്ത്യൻ താരം വിനോദ് കാംബ്ലിയുടെ പേരിലാണ് ഏറ്റവും വേഗത്തിൽ 1000 ടെസ്റ്റ് റൺസുകൾ നേടിയ താരമെന്ന റെക്കോർഡ്. 18 ഇന്നിങ്‌സുകളിൽ നിന്ന് 1000 റൺസ് നേടിയ പൂജാരയാണ് രണ്ടാം സ്ഥാനത്ത്.

Advertisement