കൊടുങ്കാറ്റായി മാറ്റ് ഹെൻറി ദക്ഷിണാഫ്രിക്ക 95 റൺസിന് ഓൾഔട്ട്, ന്യൂസിലാണ്ടിന് 21 റൺസ് ലീഡ്

ക്രൈസ്റ്റ്ചര്‍ച്ചിൽ ന്യൂസിലാണ്ടും ദക്ഷിണാഫ്രിക്കയും തമ്മിലുള്ള ആദ്യ ടെസ്റ്റിൽ ദക്ഷിണാഫിക്കയുടെ ബാറ്റിംഗ് ദാരുണമായി തകര്‍ന്നു. മാറ്റ് ഹെന്‍റിയുടെ 7 വിക്കറ്റ് നേട്ടത്തിൽ ദക്ഷിണാഫ്രിക്ക ചൂളിയപ്പോള്‍ ടീം 95 റസിന് ഓള്‍ഔട്ട് ആയി.

25 റൺസ് നേടിയ സുബൈര്‍ ഹംസയാണ് ടീമിന്റെ ടോപ് സ്കോറര്‍. ഒന്നാം ദിവസം അവസാനിക്കുമ്പോള്‍ ന്യൂസിലാണ്ട് 113/3 എന്ന നിലയിലാണ്. ഹെന്‍റി നിക്കോളസ് 37 റൺസുമായി നീൽ വാഗ്നര്‍ക്കൊപ്പം ക്രീസിലുണ്ട്. 36 റൺസ് നേടിയ ഡെവൺ കോൺവേ ആണ് മറ്റൊരു പ്രധാന താരം.

മത്സരത്തിൽ 21 റൺസിന്റെ ലീഡ് ആദ്യ ദിവസം തന്നെ ന്യൂസിലാണ്ട് കൈവശപ്പെടുതത്തിയിട്ടുണ്ട്.