ന്യൂസിലാണ്ട് താരം മാറ്റ് ഹെന്‍റി വെസ്റ്റിന്‍ഡീസിനെതിരെയുള്ള ഏകദിന പരമ്പരയിൽ നിന്ന് പുറത്ത്. വാരിയെല്ലിന് ഏറ്റ പരിക്കാണ് താരത്തിന് തിരിച്ചടിയായി മാറിയിരിക്കുന്നത്. പകരം ടീമിലേക്ക് ബെന്‍ സീര്‍സിനെ ഉള്‍പ്പെടുത്തിയിട്ടുണ്ട്.
പരിശീലനത്തിനിടെയാണ് മാറ്റ് ഹെന്‍റിയ്ക്ക് പരിക്കേറ്റത്. ടീമിനൊപ്പമുള്ള താരം നാട്ടിലേക്ക് ഉടന്‍ മടങ്ങിയ ശേഷം മാറ്റ് ഹെന്‍റിയുടെ റീഹാബ് നടപടികള്‍ ആരംഭിക്കുമെന്ന് ന്യൂസിലാണ്ട് മുഖ്യ കോച്ച് ഗാരി സ്റ്റെഡ് പറഞ്ഞു.
ന്യൂസിലാണ്ടിനായി കഴിഞ്ഞ സെപ്റ്റംബറിൽ ബംഗ്ലാദേശിനെതിരെ ടി20യിൽ അരങ്ങേറ്റം കുറിച്ച സീര്‍സ് ഇതുവരെ ഏകദിനത്തിൽ കളിച്ചിട്ടില്ല. സീര്‍സ് ജമൈക്കയിൽ ഇന്ന് എത്തി ബാര്‍ബഡോസിലുള്ള ടീമിനൊപ്പം തിങ്കളാഴ്ച ചേരുമെന്നാണ് കരുതപ്പെടുന്നത്.
ഓഗസ്റ്റ് 17ന് ആണ് ന്യൂസിലാണ്ടും വെസ്റ്റിന്‍ഡീസും തമ്മിലുള്ള ആദ്യ ഏകദിനം.
Story Highlights: Matt Henry ruled out from West Indies ODIs, Ben Sears called up as replacement for New Zealand
