ഫിഫ ഇന്ത്യയെ വിലക്കുമോ ഇല്ലയോ എന്ന് ആലോചിച്ച് ഇന്ത്യൻ ഫുട്ബോൾ താരങ്ങൾ അവരുടെ ശ്രദ്ധ നഷ്ടപ്പെടുത്തരുത് എന്ന് ഇന്ത്യൻ ക്യാപ്റ്റൻ സുനിൽ ഛേത്രി. വിലക്ക് വരുമോ ഇല്ലയോ എന്നത് കളിക്കാരായ നിങ്ങളുടെ നിയന്ത്രണത്തിലല്ലാത്തത് ആണ്. അതുകൊണ്ട് തന്നെ ഇത് അധികം ശ്രദ്ധിക്കരുതെന്നാണ് എന്റെ ഉപദേശം,. ഛേത്രി പറഞ്ഞു..
ബെംഗളൂരു എഫ്‌സി സംഘടിപ്പിച്ച വെർച്വൽ മീഡിയ മീറ്റിൽ സംസാരിക്കുക ആയിരുന്നു ഛേത്രി.
“സാധ്യമായ ഏറ്റവും മികച്ച ഫലങ്ങൾ ഉണ്ടാക്കാൻ ഈ കാര്യങ്ങളിൽ ഉൾപ്പെട്ട ആളുകൾ പരമാവധി ശ്രമിക്കുന്നുണ്ട്. എല്ലാവരും അതിനായി കഠിനാധ്വാനം ചെയ്യുന്നുണ്ട്. കളിക്കാരെ സംബന്ധിച്ചിടത്തോളം ഇപ്പോൾ ഞങ്ങൾ ഞങ്ങളുടെ ജോലി ശരിയായി ചെയ്യുന്നുണ്ടെന്ന് ഉറപ്പാക്കുക ആണ് വേണ്ടത്.” ഛേത്രി പറയുന്നു.
.
“ഒരു കളിക്കാരനെന്ന നിലയിൽ നിങ്ങൾ സ്വയം മെച്ചപ്പെടുന്നുണ്ട് എന്ന് ഉറപ്പാക്കണം. നിങ്ങളുടെ ക്ലബ്ബിനെയോ രാജ്യത്തെയോ പ്രതിനിധീകരിക്കാൻ നിങ്ങൾക്ക് അവസരം ലഭിക്കുമ്പോഴെല്ലാം, നിങ്ങളുടെ മികച്ചത് ചെയ്യേണ്ടതുണ്ട്.” അദ്ദേഹം പറഞ്ഞു.
Story Highlight: Sunil chhethri’s advice to Indian Players
