നാട്ടില്‍ തോല്‍വിയേറ്റ് വാങ്ങിയത് ദുഃഖകരം – മാര്‍ക്ക് ബൗച്ചര്‍

Markboucher
- Advertisement -

പാക്കിസ്ഥാനോട് ഏകദിന പരമ്പര 2-1 ന് അടിയറവ് വെച്ചത് ദുഃഖരമായ അവസ്ഥയെന്ന് പറഞ്ഞ് ദക്ഷിണാഫ്രിക്കന്‍ മുഖ്യ കോച്ച് മാര്‍ക്ക് ബൗച്ചര്‍. നാട്ടിലെ സാഹചര്യങ്ങളില്‍ ഒരു പരമ്പര നഷ്ടപ്പെടുത്തിയത് ആരും ആഗ്രഹിക്കാത്ത കാര്യമാണെന്ന് ബൗച്ചര്‍ പറഞ്ഞു.

എന്നാല്‍ പരമ്പരയില്‍ ഉടനീളം പാക്കിസ്ഥാനായിരുന്നു ദക്ഷിണാഫ്രിക്കയെക്കാള്‍ മികച്ച ടീമെന്നും ബൗച്ചര്‍ കൂട്ടിചേര്‍ത്തു. മികച്ച രീതിയിലാണ് ഈ സാഹചര്യങ്ങളില്‍ ദക്ഷിണാഫ്രിക്കയ്ക്കെതിരെ പാക്കിസ്ഥാന്‍ കളിച്ചതെന്നും ബൗച്ചര്‍ പറഞ്ഞു.

ഐപിഎല്‍ കളിക്കുവാനായി പ്രമുഖ താരങ്ങള്‍ ഇന്ത്യയിലേക്ക് യാത്രയായതിനാല്‍ നിര്‍ണ്ണായകമായ മൂന്നാം ഏകദിനത്തില്‍ അഞ്ച് മുന്‍ നിര താരങ്ങളുടെ സേവനമില്ലാതെയാണ് ദക്ഷിണാഫ്രിക്ക ഇന്ന് മത്സരത്തിനിറങ്ങിയത്.

Advertisement