ആദ്യ സെഷനിൽ മൂന്ന് വിക്കറ്റ് നഷ്ടം, രോഹിത്തിനെയും മയാംഗിനെയും പുജാരയെയും ഇന്ത്യയ്ക്ക് നഷ്ടം

Countyxi

കൗണ്ടി ഇലവനെതിരെയുള്ള സന്നാഹ മത്സരത്തിൽ ഇന്ത്യയ്ക്ക് മോശം തുടക്കം. ആദ്യ സെഷന്‍ അവസാനിക്കുമ്പോള്‍ ഇന്ത്യ 80/3 എന്ന നിലയിലാണ്. രോഹിത് ശര്‍മ്മ, മയാംഗ് അഗര്‍വാള്‍, ചേതേശ്വര്‍ പുജാര എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്.

16 റൺസുമായി ഹനുമ വിഹാരിയും 5 റൺസ് നേടി കെഎൽ രാഹുലുമാണ് ക്രീസിലുള്ളത്. രോഹിത്തിനെ(9) നഷ്ടമായ ശേഷം അധികം വൈകാതെ മയാംഗിനെയും(28), ചേതേശ്വര്‍ പുജാരയെയും(21) ഇന്ത്യയ്ക്ക് നഷ്ടമാകുകയായിരുന്നു.

കൗണ്ടി സെലക്ട് ഇലവന് വേണ്ടി ലിന്‍ഡൺ ജെയിംസ് രണ്ട് വിക്കറ്റ് നേടി.