മോശം ബാറ്റിംഗ് ഫോമിലൂടെ കടന്ന് പോകുന്ന എംഎസ് ധോണിയുടെ ലോര്‍ഡ്സിലെ ഇന്നിംഗ്സിനിടെ കാണികള്‍ കൂവിയത് മോശം പ്രവണതയെന്ന് പറഞ്ഞ് സൗരവ് ഗാംഗുലി. ധോണിയെ പോലെ മഹാനായ താരത്തെ കൂവുന്നത് വഴി കാണികള്‍ തെറ്റായൊരു പ്രവണതയാണ് കാഴ്ചവെച്ചതെന്നാണ് ഗാംഗുലി അഭിപ്രായപ്പെട്ടത്. 59 പന്തില്‍ നിന്ന് 37 റണ്‍സ് ആണ് ഇന്ത്യയുടെ മികച്ച ഫിനിഷറായി അറിയപ്പെടുന്ന ധോണി അന്ന് കാഴ്ചവെച്ചത്.
ധോണി മഹാനായ താരമാണ്, കാണികള്‍ അദ്ദേഹത്തെ കൂവരുതായിരുന്നു. അടുത്തൊന്നും ഇത്രയും മഹാനായൊരു താരത്തെ ഇന്ത്യന്‍ ക്രിക്കറ്റിനു ലഭിക്കില്ലെന്നും ഗാംഗുലി പറഞ്ഞു. അന്നത്തെ ഇന്നിംഗ്സില്‍ ധോണിയ്ക്ക് സ്ട്രൈക്ക് റോട്ടേറ്റ് ചെയ്യാന്‍ സാധിച്ചില്ല എന്നതാണ് തിരിച്ചടിയായതെന്നും ഗാംഗുലി അഭിപ്രായപ്പെട്ടു.
കൂടുതൽ കായിക വാർത്തകൾക്ക് : www.facebook.com/FanportOfficial
