മഴ മൂലം അഞ്ചോവറായി ചുരുക്കിയ ലങ്ക പ്രീമിയര്‍ ലീഗിലെ നാലാം മത്സരത്തില്‍ ഗോള്‍ ഗ്ലാഡിയേറ്റേഴ്സിനെതിരെ മികച്ച വിജയവുമായി കൊളംബോ കിംഗ്സ്. 19 പന്തില്‍ 65 റണ്‍സ് നേടിയ ആന്‍ഡ്രേ റസ്സലിന്റെ തകര്‍പ്പന്‍ ബാറ്റിംഗ് പ്രകടനത്തിനൊപ്പം പത്ത് പന്തില്‍ 21 റണ്‍സുമായി ലൗറി ഇവാന്‍സും ഒപ്പം കൂടിയപ്പോള്‍ 5 ഓവറില്‍ ഒരു വിക്കറ്റ് നഷ്ടത്തില്‍ 96 റണ്‍സാണ് കൊളംബോ നേടിയത്.
മറുപടി ബാറ്റിംഗിനിറങ്ങിയ ഗോള്‍ ഗ്ലാഡിയേറ്റേഴ്സ് 2 വിക്കറ്റ് നഷ്ടത്തില്‍ 62 റണ്‍സാണ് നേടിയത്. 15 പന്തില്‍ 30 റണ്‍സുമായി ധനുഷ്ക ഗുണതിലക പുറത്താകാതെ നിന്നുവെങ്കിലും വേഗത്തിലുള്ള സ്കോറിംഗ് മറ്റു താരങ്ങള്‍ക്ക് സാധിക്കാതെ പോയപ്പോള്‍ 34 റണ്‍സിന്റെ തോല്‍വി ടീം വാങ്ങി. ഷഹീദ് അഫ്രീദി 6 പന്തില്‍ 12 റണ്‍സും അസം ഖാന്‍ മൂന്ന് പന്തില്‍ 10 റണ്‍സും നേടി.
