ഇംഗ്ലണ്ടിലേക്കുള്ള ഇന്ത്യന്‍ സ്ക്വാഡിലേക്ക് കെഎസ് ഭരതിനെ ഉള്‍പ്പെടുത്തി. കോവിഡ് ബാധിച്ച വൃദ്ധിമന്‍ സാഹയ്ക്ക് കരുതല്‍ താരമെന്ന നിലയില്‍ ആണ് ഭരതിനെ ടീമില്‍ ഉള്‍പ്പെടുത്തിയിരിക്കുന്നത്. പ്രധാന വിക്കറ്റ് കീപ്പര്‍ ഋഷഭ് പന്ത് ആയതിനാല്‍ തന്നെ താരത്തിന് പരമ്പരയില്‍ അവസരമൊന്നും ലഭിയ്ക്കുവാന്‍ തീരെ സാധ്യതയില്ല.
സാഹ കോവിഡില്‍ നിന്ന് മോചിതനായെങ്കിലും വിക്കറ്റ് കീപ്പിംഗ് ഒരു പ്രത്യേക ദൗത്യം ആയതിനാലാണ് ടീമിലേക്ക് ഭരതിനെക്കൂടി ചേര്‍ക്കുവാന്‍ സെലക്ഷന്‍ കമ്മിറ്റി തീരുമാനിക്കുകയായിരുന്നു.
