റണ്‍സ് സ്കോര്‍ ചെയ്താല്‍ വിന്‍ഡീസിന് ഇംഗ്ലണ്ടിനെ സമ്മര്‍ദ്ദത്തിലാക്കാം – ക്രെയിഗ് ബ്രാത്‍വൈറ്റ്

Sports Correspondent

Download the Fanport app now!
Appstore Badge
Google Play Badge 1

ഇംഗ്ലണ്ടിനെ സമ്മര്‍ദ്ദത്തിലാക്കുവാന്‍ വിന്‍ഡീസ് ആദ്യം ചെയ്യേണ്ടത് റണ്‍സ് സ്കോര്‍ ചെയ്യുകയാണെന്ന് പറഞ്ഞ് ഓപ്പണിംഗ് താരം ക്രെയിഗ് ബ്രാത്‍വൈറ്റ്. ഇംഗ്ലണ്ടില്‍ കഴിഞ്ഞ തവണ 134, 95 എന്നിങ്ങനെയുള്ള സ്കോറുകള്‍ നേടിയ ക്രെയിഗ് ബ്രാത്‍വൈറ്റ് ടീമിനെ ലീഡ്സില്‍ വിജയത്തിലേക്ക് നയിച്ചിരുന്നു. എന്നാല്‍ അതെല്ലാം ചരിത്രമാണെന്നും അത് മൂന്ന് വര്‍ഷം മുമ്പ് നടന്നതാണെന്നും ഇത്തവണ സമ്മര്‍ദ്ദത്തിലാക്കുവാന്‍ ടീം റണ്‍സ് സ്കോര്‍ ചെയ്യണമെന്നും ബ്രാത്‍വൈറ്റ് വ്യക്തമാക്കി.

തന്റെ ഫോം അടുത്തിടെ മോശമായിട്ടുണ്ടെങ്കിലും ഇംഗ്ലണ്ടില്‍ മികച്ച പ്രകടനം പുറത്തെടുക്കുവാന്‍ കഴിയുമെന്നും താരം വ്യക്തമാക്കി. ഇത്തവണ ഡാരെന്‍ ബ്രാവോ, ഷിമ്രണ്‍ ഹെറ്റ്മ്യര്‍ എന്നിവര്‍ ടീമില്‍ ഇല്ലാത്തതിനാല്‍ തന്നെ തന്നില്‍ കൂടുതല്‍ ഉത്തരവാദിത്വം ഉണ്ടെന്നും ബ്രാത്‍വൈറ്റ് വ്യക്തമാക്കി.

ടീം റണ്‍സ് സ്കോര്‍ ചെയ്യുകയാണെങ്കില്‍ ഇംഗ്ലണ്ടിനെ സമ്മര്‍ദ്ദത്തിലാക്കുവാനുള്ള ബൗളിംഗ് നിര തങ്ങള്‍ക്കുണ്ടെന്നും ബ്രാത്‍വൈറ്റ് വ്യക്തമാക്കി. അച്ചടക്കത്തോടെ ബാറ്റിംഗ് നിര മത്സരത്തെ സമീപിക്കണമെന്നും ബ്രാത്‍വൈറ്റ് സൂചിപ്പിച്ചു.