ഐസിസി ദശാബ്ദത്തിലെ താരങ്ങളെ പ്രഖ്യാപിച്ചു, കോഹ്‍ലിയ്ക്ക് സര്‍ ഗാരി സോബേഴ്സ് അവാര്‍ഡ്

- Advertisement -

ഐസിസിയുടെ ദശാബ്ദത്തിലെ താരങ്ങളുടെ പേരുകള്‍ പ്രഖ്യാപിച്ചു. പുരുഷ താരമായി തിരഞ്ഞെടുക്കപ്പെട്ടത് ഇന്ത്യന്‍ നായകന്‍ വിരാട് കോഹ്‍ലി ആണ്. സര്‍ ഗാരി സോബേഴ്സ് അവാര്‍ഡ് ലഭിച്ചു. ഐസിസിയുടെ അവാര്‍ഡ് കാലയളവില്‍ കോഹ്‍ലി 20936 അന്താരാഷ്ട്ര റണ്‍സാണ് നേടിയത്. ഈ കാലയളവില്‍ 66 ശതകങ്ങളും 94 അര്‍ദ്ധ ശതകങ്ങളും കോഹ‍്‍ലി നേടി.

പുരുഷ ഏകദിന താരമെന്ന ബഹുമതിയും വിരാട് കോഹ്‍ലിയാണ് നേടിയത്. 39 ഏകദിന ശതകങ്ങളും 48 അര്‍ദ്ധ ശതകങ്ങളുമാണ് വിരാട് കോഹ്‍ലി ഏകദിനങ്ങളില്‍ നേടിയത്. ഓസ്ട്രേലിയയുടെ സ്റ്റീവ് സ്മിത്താണ് ടെസ്റ്റ് താരം. 7040 ടെസ്റ്റ് റണ്‍സ് നേടിയ സ്മിത്ത് 26 ശതകങ്ങളും 28 അര്‍ദ്ധ ശതകങ്ങളും നേടി.

89 ടി20 വിക്കറ്റുകള്‍ നേടിയ അഫ്ഗാനിസ്ഥാന്റെ റഷീദ് ഖാന്‍ ആണ് ഈ കാലയളവിലെ ഐസിസി ടി20 താരമായി തിരഞ്ഞെടുക്കപ്പെട്ടത്.

Advertisement