വിനൂ മങ്കഡ് ട്രോഫിയില്‍ ഹിമാച്ചല്‍ പ്രദേശിനെതിരെ മോശം ബാറ്റിംഗ് പ്രകടനവുമായി കേരളം. ഇന്ന് ഗുവഹാട്ടിയില്‍ നടന്ന മത്സരത്തില്‍ ആദ്യം ബാറ്റ് ചെയ്ത കേരളം 50 ഓവറില്‍ 9 വിക്കറ്റ് നഷ്ടത്തില്‍ 161 റണ്‍സ് മാത്രമാണ് നേടിയത്. ആദിദേവ് 53 റണ്‍സും വരുണ്‍ ദീപക് നായനാര്‍ 55 റണ്‍സും നേടിയെങ്കിലും ആര്‍ക്കും തന്നെ വേണ്ടത്ര വേഗത ഇന്നിംഗ്സിന് നല്‍കുവാന്‍ കഴിയാതെ പോയപ്പോള്‍ കേരളത്തിന്റെ ബാറ്റിംഗിന് 161 റണ്‍സ് മാത്രമേ സ്കോര്‍ ചെയ്യുവാന്‍ സാധിച്ചുള്ളു.
വെറും 3.22 എന്ന റണ്‍ റേറ്റിലാണ് കേരളത്തിന്റെ സ്കോറിംഗ്. ഹിമാച്ചലിന് വേണ്ടി ശിവം ശര്‍മ്മ 34 റണ്‍സ് വിട്ട് നല്‍കി 4 വിക്കറ്റ് നേടി.
