രോഹിത്തിനെതിരെ കടുത്ത വിമര്‍ശനവുമായി കെപ്ലര്‍ വെസല്‍സ്

ഇന്ത്യയുടെ ഓപ്പണിംഗ് ബാറ്റ്സ്മാനായ രോഹിത് ശര്‍മ്മയ്ക്കെതിരെ നിശിതമായ വിമര്‍ശനവുമായി മുന്‍ ദക്ഷിണാഫ്രിക്കന്‍ നായകന്‍ കെപ്ലര്‍ വെസല്‍സ്. രോഹിത്തിന്റെ മോശം ഫുട്‍വര്‍ക്ക് താരത്തെ ഇനിയും ദക്ഷിണാഫ്രിക്കയില്‍ പരാജയപ്പെടാന്‍ ഇടയാക്കുമെന്നാണ് കെപ്ലര്‍ വെസല്‍സ് അഭിപ്രായപ്പെട്ടത്. ഈ ഫുട്‍വര്‍ക്ക് ഇന്ത്യയിലോ ഓസ്ട്രേലിയയിലോ പ്രശ്നമുണ്ടാക്കില്ലായിരിക്കും എന്നാല്‍ ബൗണ്‍സുള്ള ദക്ഷിണാഫ്രിക്കയില്‍ വിജയിക്കുക പ്രയാസകരമാകും. രോഹിത്തിന്റെ ആവറേജ് അതിന്റെ ഉദാഹരണമാണെന്നും വെസല്‍സ് പറഞ്ഞു.

ഓഫ്-സൈഡിനു കുറുകെയായി ഫ്രണ്ട് ഫുട്ട് നീക്കുന്നതാണ് രോഹിത്തിന്റെ പിഴവെന്നാണ് കെപ്ലര്‍ വെസല്‍സ് പറഞ്ഞത്.

കൂടുതൽ കായിക വാർത്തകൾക്ക് : www.facebook.com/FanportOfficial