രാജ്കോട്ടിലെ പോലുള്ള ഇന്നിംഗ്സിനാണ് കാര്‍ത്തിക്കിനെ ടീമിലെടുത്തത് – രാഹുല്‍ ദ്രാവിഡ്

രാജ്കോട്ടിൽ ഇന്ത്യന്‍ ബാറ്റിംഗ് ഓര്‍ഡര്‍ വിഷമ സ്ഥിതിയിലായപ്പോള്‍ ദിനേശ് കാര്‍ത്തിക് 27 പന്തിൽ നേടിയ 55 റൺസാണ് ഇന്ത്യയെ പൊരുതാവുന്ന സ്കോറിലേക്ക് നയിച്ചത്. ഇത്തരം ഇന്നിംഗ്സുകള്‍ക്കായാണ് താരത്തെ തിരഞ്ഞെടുത്തതെന്നാണ് ഇന്ത്യയുടെ മുഖ്യ കോച്ച് രാഹുല്‍ ദ്രാവിഡ് പറഞ്ഞത്.

കാര്‍ത്തിക്കിന്റെ ഈ പ്രത്യേക കഴിവുകള്‍ കാരണം ആണ് അദ്ദേഹത്തെ ടീമിലെടുത്തത്. കഴിഞ്ഞ രണ്ട് -മൂന്ന് വര്‍ഷമായി അദ്ദേഹം മികവ് പുലര്‍ത്തുന്നുണ്ടെന്നും അതിന്റെ മറ്റൊരുദാഹരണം ആണ് രാജ്കോട്ടിലേതെന്നും ദ്രാവിഡ് സൂചിപ്പിച്ചു.

കാര്‍ത്തിക് ക്രീസിലെത്തി താരത്തെ എന്തിനാണോ ടീമിലെടുത്തത് അത് ചെയ്യുന്നത് കാണുമ്പോള്‍ ഏറെ സന്തോഷം ഉണ്ടെന്നും അത് ഇന്ത്യന്‍ ടീമിനും വളരെ അധികം സാധ്യതകള്‍ നൽകുന്നുവെന്നും ദ്രാവിഡ് വ്യക്തമാക്കി.