2007-ലെ ടി20 ലോകകപ്പ് ജയിച്ച ഇന്ത്യൻ ടീം അംഗങ്ങളിൽ ഒരാളായിരുന്ന ജോഗീന്ദർ ശർമ്മ ക്രിക്കറ്റിൽ നിന്ന് വിരമിച്ചു. കളിയുടെ എല്ലാ ഫോർമാറ്റുകളിൽ നിന്നും വിരമിക്കുക ആണെന്ന് അദ്ദേഹം ഇന്ന് സാമൂഹിക മാധ്യമങ്ങളിലൂട്ർ പ്രഖ്യാപിച്ചു. 2004-ൽ ഇന്ത്യക്ക് ആയി അരങ്ങേറ്റം കുറിച്ച ശേഷം, ആകെ 4 ഏകദിനങ്ങളും 4 T20Iകളും മാത്രമേ ജോഗീന്ദർ ശർമ്മ ഇന്ത്യക്കായി കളിച്ചിട്ടുള്ളൂ. എകദിനത്തിൽ 1 വിക്കറ്റും ടി20യിൽ 4 വിക്കറ്റും അദ്ദേഹം വീഴ്ത്തി.
അദ്ദേഹത്തിന്റെ അന്താരാഷ്ട്ര കരിയർ ചെറുത് ആയിരുന്നു എങ്കിലും ദക്ഷിണാഫ്രിക്കയിൽ നടന്ന ആദ്യ ടി20 ലോകകപ്പിന്റെ ഫൈനലിൽ പാകിസ്ഥാനെതിരെയുള്ള ആവേശകരമായ ഫൈനൽ ഓവറിന്റെ പേരിൽ ജോഗീന്ദർ ശർമ്മ എന്നും ഓർമ്മിക്കപ്പെടും.
Happy retirement, Joginder Sharma. pic.twitter.com/ZWXzI5Rpnf
— Johns. (@CricCrazyJohns) February 3, 2023
ലോകകപ്പ് ഫൈനലിൽ ശർമ്മയുടെ അവസാന ഓവറിൽ ആയിരുന്നു ഇന്ത്യ പാകിസ്താനെ തോൽപ്പിച്ച് കിരീടം നേടിയത്. തുടക്കത്തിൽ ഒരു സിക്‌സ് വഴങ്ങിയ ശേഷം, പാക്കിസ്ഥാന്റെ മിസ്ബാ ഉൾ ഹഖിനെ പുറത്താക്കി കൊണ്ട് അദ്ദേഹം , ഇന്ത്യയെ ലോക ചാമ്പ്യന്നാരാക്കാൻ സഹായിക്കുകയായിരുന്നു.
