ശ്രീലങ്ക 169 റണ്‍സിന് ഓള്‍ഔട്ട്, ജേസണ്‍ ഹോള്‍ഡറിന് അഞ്ച് വിക്കറ്റ്

Westindies
- Advertisement -

ആന്റിഗ്വയില്‍ ഒന്നാം ദിവസം തന്നെ മുട്ടുമടക്കി ശ്രീലങ്ക. 70 റണ്‍സ് നേടിയ ലഹിരു തിരിമന്നേയും 32 റണ്‍സ് നേടിയ നിരോഷന്‍ ഡിക്ക്വെല്ലയും ഒഴികെ മറ്റാര്‍ക്കും റണ്‍സ് കണ്ടെത്താന്‍ കഴിയാതെ വന്നപ്പോള്‍ ലങ്കയുടെ ഇന്നിംഗ്സ് 69.4 ഓവറില്‍ അവസാനിക്കുകയായിരുന്നു. 5 വിക്കറ്റ് നേടി ജേസണ്‍ ഹോള്‍ഡറും 3 വിക്കറ്റുമായി കെമര്‍ റോച്ചുമാണ് വിന്‍ഡീസ് ബൗളര്‍മാരില്‍ കസറിയത്.

ഏഴാം വിക്കറ്റായി തിരിമന്നേ പുറത്തായ ശേഷം അധികം വൈകാതെ ശ്രീലങ്കന്‍ ഇന്നിംഗ്സിന് അവസാനം കുറിയ്ക്കുവാന്‍ വിന്‍ഡീസിന് സാധിച്ചു. ആറാം വിക്കറ്റില്‍ 58 റണ്‍സ് നേടിയ തിരിമന്നേ – ഡിക്ക്വെല്ല കൂട്ടുകെട്ടാണ് ശ്രീലങ്കന്‍ നിരയിലെ ഏറ്റവും മികച്ച കൂട്ടുകെട്ട്.

Advertisement