ഇംഗ്ലണ്ടിനെ 205 റണ്‍സിന് ഓള്‍ഔട്ട് ആക്കിയ ശേഷം ഒന്നാം ദിവസം അവശേഷിക്കുന്ന ഓവറുകള്‍ ബാറ്റ് ചെയ്യാനെത്തിയ ഇന്ത്യയ്ക്ക് ആദ്യ ഓവറില്‍ തന്നെ ഓപ്പണര്‍ ശുഭ്മന്‍ ഗില്ലിനെ നഷ്ടം. ആദ്യ ഓവറിലെ മൂന്നാം പന്തില്‍ ശുഭ്മന്‍ ഗില്ലിനെ ജെയിംസ് ആന്‍ഡേഴ്സണ്‍ വിക്കറ്റിന് മുന്നില്‍ കുടുക്കുമ്പോള്‍ അക്കൗണ്ടില്‍ പൂജ്യം റണ്‍സായിരുന്നു.
ഒന്നാം ദിവസം കളി അവസാനിക്കുമ്പോള്‍ 12 ഓവര്‍ ബാറ്റ് ചെയ്ത ഇന്ത്യ 24/1 എന്ന നിലയില്‍ ആണ്. 15 റണ്‍സുമായി ചേതേശ്വര്‍ പുജാരയും 8 റണ്‍സ് നേടി രോഹിത് ശര്‍മ്മയുമാണ് ക്രീസിലുള്ളത്.
