ഓസ്ട്രേലിയക്കാരെന്ത് കൊണ്ട് ഓസ്ട്രേലിയക്കാരെ പോലെ ബാറ്റ് ചെയ്തില്ലെന്നതില്‍ അത്ഭുതം, ഹാരിസിന് മറുപടിയുമായി വസീം ജാഫര്‍

Marcusharris
- Advertisement -

ചേതേശ്വര്‍ പുജാര ഗാബയില്‍ ഓസ്ട്രേലിയക്കാരെ പോലെയാണ് ബാറ്റ് ചെയ്തതെന്ന് പറഞ്ഞ മാര്‍ക്കസ് ഹാരിസിന് മറുപടിയുമായി വസീം ജാഫര്‍. ഓസ്ട്രേലിയയ്ക്കാര്‍ എന്ത് കൊണ്ട് ഓസ്ട്രേലിയയ്ക്കാരെ പോലെ ബാറ്റ് ചെയ്തില്ലെന്നതില്‍ അത്ഭുതം തോന്നുന്നുവെന്നാണ് ഹാരിസിന്റെ പരാമര്‍ശത്തെക്കുറിച്ച് ജാഫര്‍ പ്രതികരിച്ചത്. തന്റെ ട്വിറ്ററിലാണ് താരം ഇത്തരത്തില്‍ കുറിച്ചത്.

പുജാരയുടെ ബാറ്റിംഗിനെ പ്രകീര്‍ത്തിച്ച സംസാരിച്ച ഹാരിസ് താരം പല ബോഡി ബ്ലോയും കൊണ്ട ശേഷവും ബാറ്റിംഗ് തുടര്‍ന്നത് ഓസ്ട്രേലിയയ്ക്കാരുടെ പോരാട്ട വീര്യം പോലെയാണ് തനിക്ക് തോന്നിയതെന്ന് ഹാരിസ് പറഞ്ഞിരുന്നു. മത്സരത്തില്‍ മൂന്ന് വിക്കറ്റ് വിജയം കരസ്ഥമാക്കി ഇന്ത്യ പരമ്പര 2-1ന് സ്വന്തമാക്കുകയായിരുന്നു.

അഡിലെയ്ഡിലെ ആദ്യ ടെസ്റ്റില്‍ പരാജയപ്പെട്ട ശേഷം ഇന്ത്യയുടെ ശക്തമായ തിരിച്ചുവരവാണ് പരമ്പരയില്‍ കണ്ടത്. പ്രധാന താരങ്ങള്‍ പലരുമില്ലാതെയാണ് ഇന്ത്യ തങ്ങളുടെ വിജയം പിടിച്ചെടുത്തത്.

Advertisement