ഏഷ്യന്‍ ഉപഭൂഖണ്ഡത്തില്‍ കളിക്കുവാന്‍ ഏറ്റവും പ്രയാസമേറിയത് ഈ ഇന്ത്യന്‍ ബൗളറെന്ന് സ്മിത്ത്

Sports Correspondent

Download the Fanport app now!
Appstore Badge
Google Play Badge 1

ഏഷ്യന്‍ ഉപഭൂഖണ്ഡത്തില്‍ രവീന്ദ്ര ജഡേജ ഏറെ വ്യത്യസ്തനായ ബൗളറാണെന്നും താന്‍ നേരരിടുവാന്‍ ഏറെ ബുദ്ധിമുട്ട് അനുഭവിക്കുന്ന ഒരു ബൗളറും ഇന്ത്യന്‍ താരമാണെന്ന് പറഞ്ഞ് ഓസ്ട്രേലിയന്‍ താരം സ്റ്റീവ് സ്മിത്ത്. ഇവിടുത്തെ സ്പിന്‍ സൗഹൃദ പിച്ചുകളില്‍ പ്രതലത്തില്‍ നിന്ന് സ്കിഡ് ചെയ്യിക്കുന്നതും ഇടയ്ക്ക് പന്തുകള്‍ ടേണ്‍ ചെയ്യുന്നതുമാണ് രവീന്ദ്ര ജഡേജയെ കൂടുതല്‍ അപകടകാരിയാക്കുന്നതെന്നും സ്മിത്ത് വ്യക്തമാക്കി.

ജഡേജയുടെ ബൗളിംഗ് മനസ്സിലാക്കുവാന്‍ വളരെ പ്രയാസമാണ് താന്‍ നേരിടുന്നത്. പല വൈവിദ്ധ്യങ്ങളും കൈ നോക്കി തിരിച്ചറിയുവാന്‍ പ്രയാസമാണെന്നതാണ് താരത്തിന്റെ ബൗളിംഗിന്റെ സവിശേഷത. മികച്ച ലെംഗ്ത്തില്‍ സ്ഥിരമായി പന്തെറിയുവാനും താരത്തിന് സാധിക്കുന്നുണ്ടെന്ന് സ്മിത്ത് പറഞ്ഞു.