അയര്‍ലണ്ടിനെതിരെ 16 റണ്‍സ് വിജയവുമായി അഫ്ഗാനിസ്ഥാന്‍

Sports Correspondent

Download the Fanport app now!
Appstore Badge
Google Play Badge 1

അയര്‍ലണ്ടിനെതിരെ ആദ്യ ഏകദിനത്തില്‍ 16 റണ്‍സ് വിജയം നേടി അഫ്ഗാനിസ്ഥാന്‍. ആദ്യം ബാറ്റ് ചെയ്ത അഫ്ഗാനിസ്ഥാന്‍ 9 വിക്കറ്റ് നഷ്ടത്തില്‍ 287 റണ്‍സ് നേടിയപ്പോള്‍ അയര്‍ലണ്ടിന് 271/9 എന്ന സ്കോറേ നേടാനായുള്ളു. 127 റണ്‍സ് നേടിയ ഓപ്പണര്‍ റഹ്മാനുള്ള ഗുര്‍ബാസ് ആണ് അഫ്ഗാനിസ്ഥാന്റെ വിജയ ശില്പി. 30 പന്തില്‍ നിന്ന് 55 റണ്‍സ് നേടിയ റഷീദ് ഖാന്‍, 38 റണ്‍സ് നേടിയ ജാവേദ് അഹമ്മദി എന്നിവരും അഫ്ഗാനിസ്ഥാനായി തിളങ്ങി. അയര്‍ലണ്ട് നിരയില്‍ ആന്‍ഡി മക്ബ്രൈന്‍ 5 വിക്കറ്റ് വീഴ്ത്തി.

Afghanistan

മറുപടി ബാറ്റിംഗിനിറങ്ങിയ അയര്‍ലണ്ടിന് വേണ്ടി ലാര്‍കന്‍ ടക്കര്‍ 83 റണ്‍സുമായി ടോപ് സ്കോറര്‍ ആയപ്പോള്‍ നവീന്‍ ഉള്‍ ഹക്ക് മൂന്ന് വിക്കറ്റുമായി അഫ്ഗാന്‍ ബൗളര്‍മാരില്‍ മികവ് പുലര്‍ത്തി. മുജീബും റഷീദ് ഖാനും രണ്ട് വീതം വിക്കറ്റ് നേടി.