ഒരു ഘട്ടത്തില്‍ കിംഗ്സ് ഇലവന്‍ പഞ്ചാബ് കൈവിട്ട മത്സരമായിരുന്നു ഇത്. ഋഷഭ് പന്തും കോളിന്‍ ഇന്‍ഗ്രാമും മത്സരിച്ച് കളിച്ച മത്സരത്തില്‍ പഞ്ചാബ് ബൗളര്‍മാര്‍ക്ക് ഒന്നും ചെയ്യാനില്ലായിരുന്നു. 144/3 എന്ന നിലയില്‍ നിന്ന് 152 റണ്‍സിനു ഡല്‍ഹി ഓള്‍ഔട്ട് ആവുമ്പോള്‍ പഞ്ചാബ് തങ്ങളുടെ മൊഹാലിയെന്ന കോട്ട കാത്ത് രക്ഷിക്കുകയായിരുന്നു.
16.4ാം ഓവറില്‍ മുഹമ്മദ് ഷമി പന്തിനെ പുറത്താക്കിയതോടെയാണ് ഡല്‍ഹിയുടെ തകര്‍ച്ചയുടെ ആരംഭം. അവിടെ നിന്ന് 17 പന്തിനുള്ളില്‍ എട്ട് റണ്‍സ് നേടുന്നതിനിടെ ഡല്‍ഹിയുടെ 7 വിക്കറ്റാണ് നഷ്ടമായത്. ഇതില്‍ സാം കറന്റെ ഹാട്രിക്കും ഉള്‍പ്പെടുന്നു. മുഹമ്മദ് ഷമിയും രണ്ട് വിക്കറ്റുമായി രംഗത്തെത്തിയപ്പോള്‍ നിര്‍ണ്ണായകമായൊരു റണ്ണൗട്ടുമായി അശ്വിനും കളം നിറഞ്ഞു.
