Local Sports News in Malayalam

റോയല്‍ ചലഞ്ചേഴ്സിന്റെ സ്പിന്‍ കുരുക്കിൽ വീണ് മുംബൈ ഇന്ത്യൻസ്, ഹാട്രിക്കുമായി ഹര്‍ഷൽ പട്ടേലും

ഐപിഎലിൽ രോഹിത് ശര്‍മ്മയുടെയും സംഘത്തിന്റെയും കഷ്ടകാലം തുടരുന്നു. ഇന്ന് റോയൽ ചലഞ്ചേഴ്സ് ബാംഗ്ലൂരിനെതിരെ ശക്തമായ തിരിച്ചുവരവ് മുംബൈ നടത്തി എതിരാളികളെ 165 റൺസിലൊതുക്കിയെങ്കിലും ബാറ്റ്സ്മാന്മാര്‍ അവസരത്തിനൊത്തുയരാതെ പോയപ്പോള്‍ മുംബൈയ്ക്ക്  54 റൺസിന്റെ തോല്‍വിയേറ്റ് വാങ്ങേണ്ടി വന്നു.

Rcbchahal

18.1 ഓവറിൽ 111 റൺസ് മാത്രമേ മുംബൈയ്ക്ക് നേടാനായുള്ളു. ഓപ്പണര്‍മാരായ രോഹിത് ശര്‍മ്മയും ക്വിന്റൺ ഡി കോക്കും മിന്നും തുടക്കം നല്‍കിയെങ്കിലും യൂസുവേന്ദ്ര ചഹാലും ഗ്ലെന്‍ മാക്സ്വെല്ലും വിക്കറ്റുകളുമായി ആര്‍സിബിയ്ക്ക് ആനുകൂല്യം നല്‍കി.

Maxwell

ഹര്‍ഷൽ പട്ടേൽ ഹാര്‍ദ്ദിക്, പൊള്ളാര്‍ഡ്, രാഹുല്‍ ചഹാര്‍ എന്നിവരെ പുറത്താക്കി തന്റെ ഹാട്രിക് സ്വന്തമാക്കുകയായിരുന്നു. ഹര്‍ഷൽ പട്ടേൽ നാലും ചഹാല്‍ മൂന്നും വിക്കറ്റ് നേടിയപ്പോള്‍ ഗ്ലെന്‍ മാക്സ്വെല്ലിന് ഒരു വിക്കറ്റ് ലഭിച്ചു.

You might also like