ഐപിഎലില്‍ കോഹ്‍ലിയെക്കാള്‍ മികച്ച ക്യാപ്റ്റന്‍ ശ്രേയസ്സ് അയ്യര്‍, ഏറ്റവും മികച്ച നായകന്‍ ധോണി

0
ഐപിഎലില്‍ കോഹ്‍ലിയെക്കാള്‍ മികച്ച ക്യാപ്റ്റന്‍ ശ്രേയസ്സ് അയ്യര്‍, ഏറ്റവും മികച്ച നായകന്‍ ധോണി

ഐപിഎല്‍ 2019ല്‍ വിരാട് കോഹ്‍ലിയെക്കാള്‍ മികച്ച ക്യാപ്റ്റന്‍ ശ്രേയസ്സ് അയ്യര്‍ ആയിരുന്നുവെന്നാണ് തന്റെ വിലയിരുത്തലെന്ന് പറഞ്ഞ് സഞ്ജയ് മഞ്ജരേക്കര്‍. ഏറ്റവും മോശം ക്യാപ്റ്റന്മാര്‍ കോഹ്‍ലിയും രഹാനെയുമായിരുന്നുവെന്നാണ് സഞ്ജയ് മഞ്ജരേക്കര്‍ പറഞ്ഞത്. എന്നാല്‍ ദിനേശ് കാര്‍ത്തിക്കിനെ തന്റെ വിലയിരുത്തലില്‍ ഉള്‍പ്പെടുത്തുക കൂടി സഞ്ജയ് മഞ്ജരേക്കര്‍ ചെയ്തില്ല.

രഹാനെയ്ക്കും 5 മാര്‍ക്കാണ് പത്തില്‍ മുന്‍ ഇന്ത്യന്‍ താരം നല്‍കിയത്. ധോണിയ്ക്ക് 9 പോയിന്റും രോഹിത് ശര്‍മ്മയ്ക്ക് എട്ട് പോയിന്റുമാണ് സഞ്ജയ് മഞ്ജരേക്കര്‍ നല്‍കിയത്. ശ്രേയസ്സ് അയ്യര്‍ക്കും എട്ട് പോയിന്റാണ് നല്‍കിയിരിക്കുന്നത്. അതേ സമയം പ്ലേ ഓഫിനു യോഗ്യത നേടിയില്ലെങ്കിലും രവിചന്ദ്രന്‍ അശ്വിനാണ് മൂന്നാം സ്ഥാനത്ത്. താരത്തിനു ഏഴ് പോയിന്റ് നല്‍കി മഞ്ജരേക്കര്‍.

സ്മിത്തിനു ആറ് പോയിന്റ് നല്‍കിയപ്പോള്‍ രഹാനെയ്ക്ക് വെറും അഞ്ച് പോയിന്റ് നല്‍കിയ സഞ്ജയ് വിരാടിനു 6 പോയിന്റ് നല്‍കി. കെയിന്‍ വില്യംസണ് 7 പോയിന്റാണ് സഞ്ജയ് മഞ്ജരേക്കര്‍ നല്‍കിയത്. ധോണിയുടെ ഒരു പോയിന്റ് കുറയ്ക്കുവാന്‍ കാരണം ഷെയിന്‍ വാട്സണെ കൂടുതല്‍ കാലം പ്ലേയിംഗ് ഇലവനില്‍ ഉള്‍പ്പെടുത്തിയതിനാണെന്നും മഞ്ജരേക്കര്‍ വ്യക്തമാക്കി.