Local Sports News in Malayalam

ടി20 ക്രിക്കറ്റിലെ ഒന്നാം റാങ്കുകാരന്‍ ബൗളറെ സ്വന്തമാക്കി രാജസ്ഥാന്‍ റോയൽസ്

ടി20 ക്രിക്കറ്റില്‍ ഒന്നാം റാങ്കിലുള്ള ബൗളര്‍ തബ്രൈസ് ഷംസിയെ സ്വന്തമാക്കി രാജസ്ഥാന്‍ റോയല്‍സ്. ആന്‍ഡ്രൂ ടൈയ്ക്ക് പകരമാണ് ദക്ഷിണാഫ്രിക്കന്‍ താരത്ത സ്വന്തമാക്കിയ കാര്യം രാജസ്ഥാന്‍ പ്രഖ്യാപിച്ചിരിക്കുന്നത്.

ഐപിഎലിൽ റോയല്‍ ചലഞ്ചേഴ്സ് ബാംഗ്ലൂരിന് വേണ്ടി കളിച്ചിട്ടുള്ള താരം 2016ലെ സീസണിൽ മൂന്ന് വിക്കറ്റ് നേടിയിട്ടുണ്ട്. അടുത്തിടെ അവസാനിച്ച ദി ഹണ്ട്രെഡിൽ 5 മത്സരങ്ങളിൽ നിന്ന് 7 വിക്കറ്റാണ് താരം നേടിയത്.

39 ടി20 മത്സരങ്ങളിൽ നിന്നായി 45 വിക്കറ്റ് നേടിയിട്ടുള്ള ഷംസി അടുത്തിടെയായി മികച്ച ഫോമിലാണ് കളിക്കുന്നത്. നേരത്തെ ജോസ് ബട്‍ലറിന് പകരം ന്യൂസിലാണ്ട് താരം ഗ്ലെന്‍ ഫിലിപ്പ്സിനെ ഫ്രാഞ്ചൈസി സ്വന്തമാക്കിയിരുന്നു.

You might also like