തന്റെ ഇന്നിംഗ്സ് പിറന്നാളുകാരിയായ ഭാര്യയ്ക്ക് സമര്‍പ്പിച്ച് കീറണ്‍ പൊള്ളാര്‍ഡ്

- Advertisement -

തന്റെ അവിസ്മരണീയമായ ഇന്നിംഗ്സിലൂടെ മുംബൈ ഇന്ത്യന്‍സിനെ അപ്രാപ്യമായ വിജയം നേടിക്കൊടുത്ത കീറണ്‍ പൊള്ളാര്‍ഡ് തന്റെ ഇന്നിംഗ്സ് ഭാര്യയ്ക്ക് സമര്‍പ്പിച്ചു. ഇന്നലെ മാന്‍ ഓഫ് ദി മാച്ച് പട്ടം സ്വീകരിച്ച ശേഷം സംസാരിക്കുകായയിരുന്നു താരം. ഇന്ന് തന്റെ ഭാര്യയുടെ പിറന്നാളാണെന്നും താന്‍ ഈ ഇന്നിംഗ്സും വിജയവും ഭാര്യയ്ക്ക് സമര്‍പ്പിക്കുവാന്‍ ആഗ്രഹിക്കുന്നുവെന്നും പൊള്ളാര്‍ഡ് പറഞ്ഞു.

താന്‍ വാങ്കഡേയില്‍ ബാറ്റ് ചെയ്യുന്നത് ഇഷ്ടപ്പെടുന്നുവെന്നും അതിനാല്‍ തന്നെയാണ് താന്‍ ബാറ്റിംഗില്‍ സ്ഥാനക്കയറ്റം സ്വയം നല്‍കിയതെന്നും പൊള്ളാര്‍ഡ് പറഞ്ഞു. സ്പിന്നിനു പിച്ചില്‍ അധികം ഒന്നും ചെയ്യാനില്ലെന്ന് കണ്ടതിനാല്‍ അശ്വിനെ ആക്രമിക്കുക എന്നതായിരുന്നു തീരുമാനം. എന്നാല്‍ അതിനു സാധിച്ചില്ല എന്നതാണ് സത്യം പക്ഷേ ആ സമയത്ത് വിക്കറ്റ് നല്‍കാതെ ഇരിക്കുവാന്‍ താന്‍ ശ്രദ്ധിച്ചുവെന്നും പൊള്ളാര്‍ഡ് പറഞ്ഞു.

ഈ പിച്ചില്‍ ബൗളിംഗ് ഏറെ പ്രയാസകരമായിരുന്നു. പഞ്ചാബിനു ലഭിച്ച തുടക്കത്തിനു ശേഷം അവരെ 200നു താഴെ പിടിച്ചുനിര്‍ത്തുവാനായത് മുംബൈ ബൗളര്‍മാരുടെ മികവ് തന്നെയാണ്. മധ്യ ഓവറുകള്‍ മത്സരത്തിലേക്ക് തിരികെ വന്നുവെങ്കിലും അവസാന ഓവറുകളില്‍ വീണ്ടും ബൗളര്‍മാര്‍ മത്സരം കൈവിടുന്നത് കാണേണ്ടി വന്നുവെങ്കിലും ബൗളര്‍മാരുടെ പ്രകടനത്തെ വിമര്‍ശിക്കുവാന്‍ താനില്ലെന്നും പൊള്ളാര്‍ഡ് പറഞ്ഞു.

Advertisement