ഡല്‍ഹി ഓപ്പണര്‍മാരെ പുറത്താക്കി ചെന്നൈയ്ക്ക് ആശ്വാസമായി പിയൂഷ് ചൗള

- Advertisement -

പവര്‍പ്ലേയില്‍ പേസര്‍മാര്‍ നല്‍കിയ ആനുകൂല്യം ചെന്നൈ സ്പിന്നര്‍മാര്‍ കൈമോശം വരുത്തിയെങ്കിലും ഡല്‍ഹി ഓപ്പണര്‍മാരായ ശിഖര്‍ ധവാനെയും പൃഥ്വി ഷായെയും പുറത്താക്കി പിയൂഷ് ചൗള. 94 റണ്‍സ് കൂട്ടുകെട്ടുമായി കുതിയ്ക്കുകയായിരുന്ന ഡല്‍ഹി ഒന്നാം വിക്കറ്റ് കൂട്ടുകെട്ടിനെ പിയൂഷ് ചൗള തകര്‍ത്തത് ശിഖര്‍ ധവാനെ വിക്കറ്റിന് മുന്നില്‍ കുടുക്കിയായിരുന്നു. 27 പന്തില്‍ നിന്ന് 35 റണ്‍സാണ് ധവാന്‍ നേടിയത്.

അധികം വൈകാതെ പൃഥ്വി ഷായെയും പുറത്താക്കി പിയൂഷ് ചൗള മത്സരത്തിലെ തന്റെ രണ്ടാം വിക്കറ്റും നേടി. 43 പന്തില്‍ നിന്ന് 64 റണ്‍സാണ് പൃഥ്വി ഷാ നേടിയത്.

തന്റെ നാലോവറില്‍ 33 റണ്‍സ് വഴങ്ങിയാണ് പിയൂഷ് ചൗള ഇരു വിക്കറ്റുകളും നേടിയത്. 15 ഓവര്‍ പിന്നിടുമ്പോള്‍ 2 വിക്കറ്റ് നഷ്ടത്തില്‍ 124 റണ്‍സാണ് ഡല്‍ഹി നേടിയിട്ടുള്ളത്.

Advertisement