തന്റെ തോളിന് പരിക്കേറ്റ നിമിഷത്തില്‍ ഡല്‍ഹി ക്യാപിറ്റല്‍സിന് പകരം ക്യാപ്റ്റനാരെന്ന ചിന്ത വന്നപ്പോള്‍ അത് ഋഷഭ് പന്ത് ആയിരിക്കുമെന്നതില്‍ തനിക്ക് ഒരു സംശയവുമില്ലായിരുന്നുവെന്ന് പറഞ്ഞ് ശ്രേയസ്സ് അയ്യര്‍. താരത്തിന്റെ പരിക്കോട് കൂടി ഐപിഎല്‍ നഷ്ടമാകുമെന്ന് ഉറപ്പായതോടെയാണ് ഡല്‍ഹി ക്യാപ്റ്റനായി ഋഷഭ് പന്തിനെ നിയമിച്ചത്.
തനിക്ക് ഐപിഎലും ഡല്‍ഹി ക്യാപിറ്റല്‍സ് ടീമിനൊപ്പം നില്‍ക്കുന്നതിന്റെയും നഷ്ടബോധം വരുമെങ്കിലും താന്‍ ടൂര്‍ണ്ണമെന്റിലുടനീളം ഡല്‍ഹിയെ ചിയര്‍ ചെയ്യാനുണ്ടാകുമെന്ന് ശ്രേയസ്സ് അയ്യര്‍ പറഞ്ഞു.
പുതിയ ദൗത്യം ഏറ്റെടുക്കുന്ന ഋഷഭ് പന്തിന് എല്ലാവിധ ആശംസകളും ശ്രേയസ്സ് അയ്യര്‍ അര്‍പ്പിച്ചു.
