‍ഡൽഹിയ്ക്ക് നിരാശയേകി ടിം ഡേവിഡിന്റെ വെടിക്കെട്ട്, ആര്‍സിബി പ്രതീക്ഷിച്ച ഫലം നൽകി മുംബൈ ഇന്ത്യന്‍സ്

Sports Correspondent

Timdavid
Download the Fanport app now!
Appstore Badge
Google Play Badge 1

ഡൽഹി ക്യാപിറ്റൽസിന്റെ പ്ലേ ഓഫ് മോഹങ്ങളെ ഇല്ലാതാക്കി മുംബൈയുടെ വിജയം. ഇതോടെ ആര്‍സിബി പ്ലേ ഓഫിലേക്ക് കടന്നു. ഇന്ന് മുംബൈയ്ക്കെതിരെ ആദ്യം ബാറ്റ് ചെയ്ത് 159 റൺസാണ് ഡൽഹി നേടിയത്. ലക്ഷ്യം 5 പന്ത് അവശേഷിക്കെ 5 വിക്കറ്റ് നഷ്ടത്തിൽ മുംബൈ മറികടന്നപ്പോള്‍ പ്ലേ ഓഫിലേക്ക് ബാംഗ്ലൂര്‍ യോഗ്യത നേടി.

രോഹിത് ശര്‍മ്മ വീണ്ടും മോശം ഫോം തുടര്‍ന്നപ്പോള്‍ ഇഷാന്‍ കിഷന്‍(48), ഡെവാള്‍ഡ് ബ്രെവിസ്(37) എന്നിവരുടെ ബാറ്റിംഗ് മികവിന് ശേഷം ടിം ഡേവിഡിന്റെ വെടിക്കെട്ട് പ്രകടനം ആണ്. 11 പന്തിൽ 34 റൺസ് നേടിയ ഡേവിഡിന്റെ ഇന്നിംഗ്സാണ് മുംബൈയുടെ ശക്തമായ തിരിച്ചുവരവ് സാധ്യമാക്കിയത്.

14.3 ഓവറിൽ 95/3 എന്ന നിലയിൽ നിന്ന് 17.5 ഓവറിൽ 145/4 എന്ന നിലയിലേക്ക് മുംബൈ കുതിച്ചത്തുകയായിരുന്നു ഡേവിഡിന്റെ ഇന്നിംഗ്സിന്റെ ബലത്തിൽ.  21 റൺസ് നേടിയ തിലക് വര്‍മ്മ അവസാന ഓവറിന് തൊട്ടുമുമ്പ് പുറത്തായപ്പോള്‍ അവസാന ഓവറിൽ 5 റൺസായിരുന്നു ടീം നേടേണ്ടിയിരുന്നത്. ഖലീൽ എറിഞ്ഞ ആദ്യ പന്തിൽ ബീമര്‍ നോബോള്‍ ലഭിച്ച പന്ത് ബൗണ്ടറി കടത്തി രമൺദീപ് സിംഗ് മുംബൈയുടെ വിജയവും ആര്‍സിബിയുടെ പ്ലേ ഓഫും ഉറപ്പാക്കുകയായിരുന്നു.

ബ്രെവിസിന്റെ ക്യാച്ച് കൈവിടുകയും ടിം ഡേവിഡിനെതിരെ ഒരു റിവ്യൂ നടത്തുവാനും പിഴച്ച ഡൽഹി ക്യാപിറ്റൽസ് നായകന്‍ ഋഷഭ് പന്തിന്റെ പിഴവുകളാണ് ഡൽഹിയുടെ പ്ലേ ഓഫ് സാധ്യതകളെ ഇല്ലാതാക്കിയത്.