ടി20യില്‍ ഒരു റണ്‍സും രണ്ട് റണ്‍സും എത്ര വലുതാണെന്നത് ഈ മത്സരം കാണിക്കുന്നു – കൈറണ്‍ പൊള്ളാര്‍ഡ്

Sports Correspondent

Download the Fanport app now!
Appstore Badge
Google Play Badge 1

ടി20യില്‍ ഒരു റണ്‍സും രണ്ട് റണ്‍സുമെല്ലാം എത്ര വലുതാണെന്നതാണ് മുംബൈ ഇന്ത്യന്‍സും കിംഗ്സ് ഇലവനും തമ്മിലുള്ള മത്സരം കാണിക്കുന്നതെന്ന് പറഞ്ഞ് മുംബൈയുടെ സ്റ്റാന്‍ഡ്-ഇന്‍ ക്യാപ്റ്റന്‍ കൈറണ്‍ പൊള്ളാര്‍ഡ്. കാണികള്‍ക്ക് ഇത് മികച്ച ആസ്വാദന നിലവാരമുള്ള മത്സരമായിരുന്നുവെന്ന് പൊള്ളാര്‍ഡ് പറഞ്ഞു.

മുംബൈയുടെ ബാറ്റിംഗ് സമയത്ത് 11-12 ഓവറുകള്‍ പിന്നിടുമ്പോള്‍ ടീം പുറകിലായിരുന്നുവെന്ന് പറഞ്ഞ പൊള്ളാര്‍ഡ് 176 എന്ന സ്കോറിലേക്ക് ടീമിന് എത്താനായത് മികച്ച കാര്യമായിരുന്നുവെന്നും വിക്കറ്റ് മെല്ലെയാകുന്നതിനാല്‍ തന്നെ അത് മികച്ചൊരു സ്കോറായാണ് താന്‍ കരുതിയതെന്നും പൊള്ളാര്‍ഡ് വ്യക്തമാക്കി.

എന്നാല്‍ ലോകേഷ് രാഹുല്‍ മികച്ച രീതിയില്‍ ബാറ്റ് വീശിയെന്നും ടീമിനെ സൂപ്പര്‍ ഓവറിലേക്ക് എത്തിക്കുവാന്‍ താരത്തിന് സാധിച്ചുവെന്നും അവിടെ നിന്ന് മത്സരം മാറി മറിഞ്ഞ് ഒടുവില്‍ തങ്ങളെ പിന്തള്ളി പഞ്ചാബ് രണ്ട് പോയിന്റ് സ്വന്തമാക്കിയെന്നും പൊള്ളാര്‍ഡ് വ്യക്തമാക്കി.