ഐപിഎലിന്റെ ഗുണം ലഭിയ്ക്കുക ഓസ്ട്രേലിയയിലേക്ക് യാത്രയാകുന്ന താരങ്ങള്‍ക്ക് – മുഹമ്മദ് ഷമി

- Advertisement -

ഇന്ത്യന്‍ താരങ്ങളുടെ ക്രിക്കറ്റിലേക്കുള്ള മടങ്ങി വരവാണ് ഐപിഎലിലൂടെ സാധ്യമാകുന്നതെങ്കിലും ഇതിന്റെ ഏറ്റവും വലിയ ഗുണം ലഭിയ്ക്കുക ഡൗണ്‍ അണ്ടര്‍ പരമ്പരയ്ക്ക് ഓസ്ട്രേലിയയിലേക്ക് യാത്രയാകുന്ന താരങ്ങള്‍ക്കാകുമെന്ന് വ്യക്തമാക്കി മുഹമ്മദ് ഷമി. ഫെബ്രുവരി 2020ല്‍ ന്യൂസിലാണ്ടിനെതിരെ ടെസ്റ്റ് മത്സരം അവസാനമായി കളിച്ച ഇന്ത്യന്‍ താരങ്ങള്‍ക്ക് അടുത്ത പരീക്ഷണം ഡിസംബര്‍ 2020-2021ലുള്ള ഓസ്ട്രേലിയന്‍ പരമ്പയാണ്.

2018-19 സീസണില്‍ ഓസ്ട്രേലിയയില്‍ ചെന്ന് പരമ്പര നേടുന്ന ആദ്യ ഇന്ത്യന്‍ സംഘമായി മാറിയിരുന്നു കോഹ്‍ലിയും കൂട്ടുകാരും. ഇത്തവണ അത് സാധ്യമാകുക അല്പം പ്രയാസമാണെങ്കിലും ഐപിഎലിലൂടെ ക്രിക്കറ്റിലേക്ക് മടങ്ങിയെത്തുന്ന താരങ്ങള്‍ക്ക് മികച്ച തയ്യാറെടുപ്പ് കൂടിയാവും ഈ ഐപിഎല്‍ സീസണ്‍ എന്ന് കിംഗ്സ് ഇലവന്‍ പഞ്ചാബ് താരം കൂടിയായ ഇന്ത്യന്‍ ടെസ്റ്റ് താരം മുഹമ്മദ് ഷമി വ്യക്തമാക്കി.

ഫിറ്റ്നെസ്സിലും മത്സര പരിചയത്തിലും എല്ലാം ഈ താരങ്ങളെ തയ്യാറെടുക്കുവാനുള്ള അവസരമായി ഐപിഎല്‍ മാറുമെന്നും ഷമി സൂചിപ്പിച്ചു. ഒരു വലിയ പരമ്പരയ്ക്ക് മുമ്പ് ഐപിഎല്‍ പോലുള്ള ടൂര്‍ണ്ണമെന്റ് കളിക്കുവാനാകുമെന്നത് തന്നെ വലിയൊരു നേട്ടമായാണ് താന്‍ കരുതുന്നതെന്നും അതിന്റെ ഗുണം എല്ലാ താരങ്ങള്‍ക്കും ഉണ്ടാകുമെന്നും മുഹമ്മദ് ഷമി വ്യക്തമാക്കി.

Advertisement