ഗംഭീറിന്റെയും ഹര്‍ഭജന്റെയും അടിസ്ഥാന വില രണ്ട് കോടി

- Advertisement -

ഐപിഎല്‍ ലേല നടപടികള്‍ക്കായി ഫ്രാഞ്ചൈസികള്‍ തയ്യാറെടുക്കുന്നതിനിടെ തങ്ങളുടെ അടിസ്ഥാന വില പ്രഖ്യാപിച്ച് രണ്ട് മുന്‍ ഇന്ത്യന്‍ താരങ്ങള്‍. ഇന്ത്യന്‍ താരങ്ങള്‍ക്ക് തങ്ങളുടെ അടിസ്ഥാന വില ഉറപ്പിക്കാന്‍ അഞ്ച് ഉപാധികളാണ് ഐപിഎല്‍ ഗവേണിംഗ് കൗണ്‍സില്‍ അനുവദിച്ചിട്ടുള്ളത്. 50 ലക്ഷം മുതല്‍ 2 കോടി ഇന്ത്യന്‍ രൂപ വരെയുള്ള അടിസ്ഥാന വിലയാണ് ഇന്ത്യന്‍ താരങ്ങള്‍ക്ക് തങ്ങള്‍ക്കായി പ്രഖ്യാപിക്കാവുന്നത്.

രണ്ട് കോടി രൂപയാണ് തങ്ങളുടെ അടിസ്ഥാന വിലയെന്നാണ് മുന്‍ ഇന്ത്യന്‍ താരങ്ങളായ ഹര്‍ഭജന്‍ സിംഗും ഗൗതം ഗംഭീറും തീരുമാനിച്ചിരിക്കുന്നതെന്നാണ് പുറത്ത് വരുന്ന വാര്‍ത്ത. ഐപിഎല്‍ ലേല ദിവസം അടുത്ത് വരുന്നതോടെ വരും ദിവസങ്ങളില്‍ കൂടുതല്‍ താരങ്ങള്‍ തങ്ങളുടെ അടിസ്ഥാന വില പ്രഖ്യാപിക്കുമെന്നാണ് കരുതപ്പെടുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement