മുംബൈയ്ക്കായി രണ്ടോവര്‍ എറിഞ്ഞ രാഹുല്‍ ചഹാര്‍ വെറും 11 റണ്‍സ് മാത്രമാണ് ഈ ഓവറുകളില്‍ നിന്ന് വിട്ട് നല്‍കിയത്. എന്നാല്‍ താരത്തിനു മുഴുവന്‍ ക്വോട്ടയും നല്‍കുവാന്‍ രോഹിത് ശര്‍മ്മ മുതിര്‍ന്നില്ല. അതിനു കാരണമെന്തെന്ന് രോഹിത് പിന്നീട് വ്യക്തമാക്കി. ധോണിയും കേധാറും ക്രീസില്‍ നിന്നതാണ് ഇതിനു കാരണമെന്ന് മുംബൈ നായകന്‍ രോഹിത് ശര്‍മ്മ വ്യക്തമാക്കി.
ഇരു താരങ്ങളും സ്പിന്നര്‍മാരെ മികച്ച രീതിയില്‍ കളിക്കുന്ന താരങ്ങളാണ്. മുംബൈയ്ക്കെതിരെ ചെന്നൈയ്ക്ക് തിരിച്ചുവരവിനു അവസരം നല്‍കാതിരിക്കുവാനുള്ള തീരുമാനമായിരുന്നു അത്. പിന്നീട് ഇരു താരങ്ങളും പുറത്തായപ്പോള്‍ മത്സരം അവസാന ഓവറുകളിലേക്ക് എത്തിയിരുന്നു. മലിംഗയും ഹാര്‍ദ്ദിക് പാണ്ഡ്യയും മികവോടെ പന്തെറിഞ്ഞതിനാലും രാഹുല്‍ ചഹാറിനെ പിന്നീട് ഓവറുകള്‍ക്കായി മുംബൈ നായകന്‍ വിളിച്ചില്ല.
