ഐപിഎലിന്റെ സുരക്ഷ ബബിളിലേക്കും നുഴഞ്ഞ കയറി കൊറോണ. കടുത്ത സുരക്ഷ നടപടികള്‍ എടുത്ത ഐപിഎലില്‍ ഇപ്പോള്‍ മൂന്ന് താരങ്ങള്‍ കൊറോണ ഭീഷണിയിലാണെന്നാണ് ബിസിസിഐ വൃത്തങ്ങളില്‍ നിന്ന് അറിയുവാന്‍ കഴിയുന്നത്.
ഇന്നത്തെ കൊല്‍ക്കത്ത ബാംഗ്ലൂര്‍ മത്സരം മാറ്റി വയ്ക്കുകയാണെന്ന് ബിസിസിഐ അറിയിച്ചിട്ടുണ്ട്. പുതിയ തീയ്യതി ഇന്ന് ഉച്ചയ്ക്ക് പ്രഖ്യാപിക്കുമെന്നാണ് അറിയുന്നത്. അതേ സമയം കൊല്‍ക്കത്ത ക്യാമ്പില്‍ വരുണ്‍ ചക്രവര്‍ത്തിയും സന്ദീപ് വാര്യറും കൊറോണ ബാധിച്ചുവെന്നാണ് പുറത്ത് വരുന്ന വാര്‍ത്ത.
ഓസ്ട്രേലിയന്‍ താരം പാറ്റ് കമ്മിന്‍സ് ഐസൊലേഷനിലാണെന്നും അറിയുന്നു. ഇന്നത്തെ മത്സരം മാത്രമാകുമോ ഉപേക്ഷിക്കുക അതോ ഇനിയങ്ങോട്ട് ഐപിഎലിനെ തന്നെ ബാധിക്കുമോ എന്ന കാര്യം ഏതാനും ദിവസങ്ങള്‍ക്കുള്ളില്‍ അറിയാമെന്നാണ് പ്രതീക്ഷിക്കപ്പെടുന്നത്.
