വിക്കറ്റ് മെയിഡന്‍, അതും ഡേവിഡ് വാര്‍ണറുടെ, ഐപിഎല്‍ അരങ്ങേറ്റം ഉജ്ജ്വലമാക്കി അല്‍സാരി ജോസഫ്

Credits: @IPL
- Advertisement -

ആഡം മില്‍നെയുടെ പരിക്കാണ് ഐപിഎലിനു തുടങ്ങുന്നതിനു മുമ്പ് ആല്‍സാരി ജോസഫിനു ഐപിഎലിലേക്ക് അവസരം ലഭിയ്ക്കുവാന്‍ ഇടയാക്കിയത്. ലസിത് മലിംഗ, മിച്ചല്‍ മക്ലെനാഗന്‍, ജേസണ്‍ ബെഹ്രെന്‍ഡോര്‍ഫ് എന്നിവരുടെ സാന്നിദ്ധ്യത്തില്‍ താരത്തിനു മത്സരാവസരം ലഭിയ്ക്കുമോ എന്നത് സംശയത്തിലായിരുന്നു. എന്നാല്‍ ലസിത് മലിംഗ ശ്രീലങ്കയിലേക്ക് പ്രാദേശിക ക്രിക്കറ്റിനായി മടങ്ങിയതോടെ ഇന്ന് സണ്‍റൈസേഴ്സ് ഹൈദ്രാബാദിനെതിരെ തന്റെ അരങ്ങേറ്റ മത്സരത്തിനു താരത്തിനു അവസരം ലഭിച്ചു.

അല്‍സാരി ജോസഫ് മുംബൈയുടെ അഞ്ചാം ഓവര്‍ എറിയാനെത്തിയപ്പോള്‍ ഡേവിഡ് വാര്‍ണറാണ് ക്രീസിലുണ്ടായിരുന്നത്. ജോണി ബൈര്‍സ്റ്റോ അതിനു തൊട്ട് മുമ്പുള്ള ഓവറില‍് പുറത്തായതെയുള്ളു. തന്റെ ഐപിഎലിലെ ആദ്യ പന്തില്‍ തന്നെ വാര്‍ണറെ പുറത്താക്കിയ താരം ആ ഓവര്‍ റണ്ണൊന്നും വിട്ട് നല്‍കിയില്ല. തന്റെ അടുത്ത ഓവറില്‍ വിജയ് ശങ്കറെ പുറത്താക്കി ജോസഫ് തന്റെ രണ്ടാം വിക്കറ്റും നേടി.

Advertisement