പരിക്ക്!!! മാറ്റ് ഹെന്‍റി പാക്കിസ്ഥാനെതിരെയുള്ള ഏകദിനങ്ങളിൽ കളിക്കില്ല, ഇന്ത്യയ്ക്കെതിരെയും കളിക്കില്ല

Matthenry

പരിക്കേറ്റ ന്യൂസിലാണ്ട് പേസര്‍ മാറ്റ് ഹെന്‍റി പാക്കിസ്ഥാനെതിരെയുള്ള ഏകദിന പരമ്പരയിൽ നിന്ന് പുറത്ത്. ഇന്ത്യയ്ക്കെതിരെയുള്ള ഏകദിന പരമ്പരയിലും താരം കളിക്കില്ല. കറാച്ചി ടെസ്റ്റിന്റെ അവസാന ദിവസം ആണ് താരത്തിന് പരിക്കേറ്റതെന്നാണ് അറിയുന്നത്. പകരം താരമായി മാനേജ്മെന്റ് ഇതുവരെ ആരെയും പ്രഖ്യാപിച്ചിട്ടില്ലെങ്കിലും ജേക്ക് ഡഫിയെ ടീമിലുള്‍പ്പെടുത്തുമെന്നാണ് ലഭിയ്ക്കുന്ന വിവരം.

അതേ സമയം മാറ്റ് ഹെന്‍റി അവസാന ടെസ്റ്റിന്റെ അവസാന ദിവസം പരിക്കുമായി കളിച്ചതിനെക്കുറിച്ച് മുഖ്യ കോച്ച് ഗാരി സ്റ്റെഡ് താരത്തെ പ്രകീര്‍ത്തിച്ചിരുന്നു. 12 ദിവസത്തിനുള്ളിൽ 10 ദിവസം മികച്ച ടെസ്റ്റ് ക്രിക്കറ്റ് കളിക്കുമ്പോള്‍ സംഭവിക്കുന്ന സ്വാഭാവികമായ പരിക്കായാണ് മാറ്റ് ഹെന്‍റിയുടെ സാഹചര്യത്തെ വിലയിരുത്തുന്നതെന്നാണ് ഗാരി സ്റ്റെഡ് പറഞ്ഞത്.