വനിതാ പ്രീമിയർ ലീഗ് (WPL) 2025 സീസൺ ഇന്ന്, ഫെബ്രുവരി 14 ന് വഡോദരയിലെ കൊടാമ്പി സ്റ്റേഡിയത്തിൽ ആരംഭിക്കും. ഉദ്ഘാടന മത്സരത്തിൽ നിലവിലെ ചാമ്പ്യന്മാരായ റോയൽ ചലഞ്ചേഴ്‌സ് ബെംഗളൂരു (RCB) ഗുജറാത്ത് ജയന്റ്‌സിനെ നേരിടും. അഞ്ച് ടീമുകൾ പങ്കെടുക്കുന്ന ടൂർണമെന്റ് മാർച്ച് 15 വരെ നീണ്ടുനിൽക്കും. വഡോദര, ബെംഗളൂരു, ലഖ്‌നൗ, മുംബൈ എന്നീ നാല് വേദികളിലായാണ് മത്സരങ്ങൾ നടക്കുക.
സ്മൃതി മന്ദാന നയിക്കുന്ന RCB കിരീടം നിലനിർത്താൻ ആണ് ലക്ഷ്യമിടുന്നത്‌. അതേസമയം UP വാരിയേഴ്‌സ്, മുംബൈ ഇന്ത്യൻസ്, ഡൽഹി ക്യാപിറ്റൽസ്, ഗുജറാത്ത് ജയന്റ്‌സ് എന്നിവരും ഇത്തവണ ടീം ശക്തമാക്കിയിട്ടുണ്ട്‌. U19 T20 ലോകകപ്പ് ജേതാക്കളായ അഞ്ച് ഇന്ത്യൻ കളിക്കാരുടെ WPL അരങ്ങേറ്റവും ഈ സീസണിൽ അടയാളപ്പെടുത്തും.
എല്ലാ മത്സരങ്ങളും ഇന്ത്യൻ സമയം വൈകുന്നേരം 7:30 ന് ആരംഭിക്കും.
