കെഎൽ രാഹുലിന്റെ വിക്കറ്റ് നേടിയ ബോളിന്റെ ആശയം വൈകി വന്നതാണെന്നും അത് ജെയിംസ് നീഷത്തിന്റെ ആശയമായിരുന്നുവെന്നും പറഞ്ഞ് ട്രെന്റ് ബോള്‍ട്ട്. എന്നാൽ തനിക്ക് അദ്ദേഹത്തിന് ക്രെഡിറ്റ് നൽകുവാന്‍ താല്പര്യമില്ലെന്നാണ് ബോള്‍ട്ട് തമാശ രൂപേണ പറഞ്ഞത്.
ന്യൂ ബോള്‍ കൊണ്ടുള്ള തന്റെ ദൗത്യം എത്രയും അധികം വിക്കറ്റുകള്‍ നേടാനാകുമോ അത്രയും നേടുക എന്നതാണെന്നും ബോള്‍ട്ട് വ്യക്തമാക്കി. ഈ ടൂര്‍ണ്ണമെന്റിൽ മികച്ച ഒരു പറ്റം പേസ് ബൗളര്‍മാര്‍ ടീമിനൊപ്പമുണ്ടെന്നും താരം കൂട്ടിചേര്‍ത്തു.
