ജയ്സ്വാളിന് ഉപദേശത്തിന്റെ ആവശ്യമില്ല, അവൻ മികച്ച ടാലന്റ് ആണ് എന്ന് സഞ്ജു സാംസൺ. മുംബൈ ഇന്ത്യൻസിന് എതിരെ സെഞ്ച്വറി അടിച്ചു കൊണ്ട് ഫോമിലേക്ക് മടങ്ങിയെത്താൻ ജയ്സ്വാളിന് ആയിരുന്നു. ജയ്സ്വാളിന് ആരാണ് ഊർജ്ജം നൽകുന്ന വാക്കുകൾ നൽകിയത് എന്ന ചോദ്യത്തിന് മറുപടി പറയുക ആയിരുന്നു സഞ്ജു സാംസൺ.
ജയ്സ്വാളിന് ആരിൽ നിന്നും ഉപദേശം ആവശ്യമുണ്ടെന്ന് ഞാൻ കരുതുന്നില്ല. അവൻ വളരെ ആത്മവിശ്വാസമുള്ളവനാണ്. അവൻ മികച്ച ടാലന്റ് ആണ്. അവൻ ഫോമിലേക്ക് തിരികെയെത്തിയതിൽ താൻ സന്തോഷവാനാണ്. സഞ്ജു സാംസൺ പറഞ്ഞു. ജയ്സ്വാൾ ഹാർഡ് വർക്ക് ചെയ്യുന്നുണ്ടായിരുന്നു എന്നും സഞ്ജു പറഞ്ഞു.
ജയ്സ്വാൾ ഇന്ന് 60 പന്തിൽ നിന്ന് 104 റൺസ് എടുത്ത് പുറത്താകാതെ നിന്നു. 7 സിക്സും 9 ഫോറും താരം അടിച്ചിരുന്നു.
