ഐപിഎലില്‍ തന്റെ ഏറ്റവും മികച്ച സീസണിലൂടെയാണ് റിങ്കു സിംഗ് കടന്ന് പോയത്. ഗുജറാത്തിനെതിരെ അവസാന ഓവറിൽ 29 റൺസ് ചേസ് ചെയ്ത താരം ലക്നൗവിനെതിരെ കൊൽക്കത്തയെ വിജയത്തിന് തൊട്ടരികില്‍ വരെ എത്തിച്ചിരുന്നു. എന്നാൽ ടീം ഒരു റൺസിന് പരാജയം ഏറ്റുവാങ്ങി.
താന്‍ എത്ര റൺസടിച്ച് കൂട്ടിയാലും ടീം പ്ലേ ഓഫിൽ കടന്നില്ലെങ്കിൽ പിന്നെന്ത് കാര്യം എന്നാണ് ഐപിഎല്‍ 2023ലെ സ്റ്റാര്‍ താങ്കളായി എന്ന ചോദ്യത്തിന് മറുപടിയായി റിങ്കു പറ‍ഞ്ഞത്. തന്റെ മികച്ച പ്രകടനം സത്യമാണ് പക്ഷേ അത് പിന്നിലെ കാര്യമാണെന്നും ഇനി ഭാവിയെക്കുറിച്ചാണ് ഫോക്കസ് ചെയ്യേണ്ടതെന്നും റിങ്കു കൂട്ടിചേര്‍ത്തു.
പ്രാദേശിക ക്രിക്കറ്റിലും താന്‍ 5 – 6 സ്ഥാനത്താണ് ബാറ്റ് ചെയ്യുന്നതെന്നും അതിനാൽ തന്നെ ഈ സാഹചര്യം തനിക്ക് സുപരിചിതനാണെന്നും റിങ്കു സിംഗ് വ്യക്തമാക്കി.
