ഐപിഎലില്‍ ഇന്നലെ ആര്‍സിബിയുടെ പ്ലേ ഓഫ് സാധ്യതകള്‍ ഗുജറാത്ത് ടൈറ്റന്‍സ് ഇല്ലാതാക്കിയപ്പോള്‍ അതിൽ ശുഭ്മന്‍ ഗിൽ – വിജയ് ശങ്കര്‍ കൂട്ടുകെട്ടിന്റെ റോള്‍ വളരെ വലുതായിരുന്നു. വൃദ്ധിമന്‍ സാഹയെ നഷ്ടമായ ശേഷം രണ്ടാം വിക്കറ്റിൽ 123 റൺസാണ് ഈ കൂട്ടുകെട്ട് നേടിയത്.
ഗിൽ തന്റെ ശതകം പൂര്‍ത്തിയാക്കിയപ്പോള്‍ വിജയ് ശങ്കര്‍ 53 റൺസ് നേടി പുറത്താകുകയായിരുന്നു. താരം ക്രീസിലെത്തിയപ്പോള്‍ വലിയ ഷോട്ടുകള്‍ക്കാണ് ശ്രമിച്ചതെന്നും താന്‍ അദ്ദേഹത്തോട് ടൈമിംഗിൽ ശ്രദ്ധിക്കുവാനാണ് പറഞ്ഞതെന്നും ശുഭ്മന്‍ ഗിൽ പറഞ്ഞു. മൊമ്മന്റം കിട്ടിക്കഴിഞ്ഞാൽ വലിയ ഷോട്ടുകള്‍ ഉതിര്‍ക്കുവാന്‍ സാധിക്കുന്ന താരമാണ് ശങ്കറെന്നും അത് തനിക്കറിയാമായിരുന്നുവെന്നും ഗിൽ കൂട്ടിചേര്‍ത്തു.
