ബൗളര്‍മാരില്‍ ഭൂരിഭാഗവും ബാറ്റ്സ്മാന്മാരുടെ പ്രഹരഹങ്ങള്‍ക്ക് വിധേയരായ മത്സരത്തില്‍ റഷീദ് ഖാന്‍ തന്റെ മാന്‍ ഓഫ് ദി മാച്ച് പട്ടം സ്വന്തമാക്കി. തന്റെ നാലോവറില്‍ 24 റണ്‍സിനു ഒരു വിക്കറ്റ് മാത്രമാണ് താരം നേടിയതെങ്കിലും കൊടുത്ത റണ്‍സും നേടിയ വിക്കറ്റും ഏറെ പ്രാധാന്യം നിറഞ്ഞതായിരുന്നു. അപകടകാരിയായ ജോസ് ബട്‍ലറെയാണ് മത്സരത്തിലെ തന്റെ വിക്കറ്റായി റഷീദ് ഖാന്‍ സ്വന്തമാക്കിയത്.
ബാറ്റിംഗിനിറങ്ങിയപ്പോള്‍ 8 പന്തില്‍ നിന്ന് നിര്‍ണ്ണായകമായ 15 റണ്‍സ് നേടി ടീമിന്റെ വിജയം ഒരോവര്‍ അവശേഷിക്കെ നേടിക്കൊടുക്കുവാനും റഷീദ് ഖാനു സാധിച്ചു. കഴിഞ്ഞ നാല് ഇന്നിംഗ്സുകളിലായി ടി20യില്‍ ജോസ് ബട്‍ലറെ പത്ത് പന്തിനുള്ളില്‍ 4 തവണയാണ് റഷീദ് ഖാന്‍ പുറത്താക്കിയിരിക്കുന്നത്.
