മികച്ച തുടക്കത്തിനു ശേഷം വീണ്ടും ആര്‍സിബി തകര്‍ന്നപ്പോള്‍ രക്ഷകനായി പാര്‍ത്ഥിവ് പട്ടേല്‍. പാര്‍ത്ഥിവ് പട്ടേലിന്റെ 67 റണ്‍സിന്റെ ബലത്തില്‍ രാജസ്ഥാനെതിരെ റോയല്‍ ചലഞ്ചേഴ്സ് ബാംഗ്ലൂര്‍ 20 ഓവറില്‍ 4 വിക്കറ്റ് നഷ്ടത്തില്‍ 158 റണ്‍സ് നേടുകായയിരുന്നു. മാര്‍ക്കസ് സ്റ്റോയിനിസ് 31 റണ്‍സുമായി പുറത്താകാതെ നിന്നപ്പോള്‍ മോയിന്‍ അലി 9 പന്തില്‍ 18 റണ്‍സുമായി ക്രീസില്‍ ഒപ്പം നിന്നു. രാജസ്ഥാന്‍ ബൗളര്‍മാരില്‍ ശ്രേയസ്സ് ഗോപാല്‍ 3 വിക്കറ്റ് നേടി.
ഒന്നാം വിക്കറ്റില്‍ 49 റണ്‍സ് നേടി മുന്നോട്ട് നീങ്ങുകയായിരുന്നു പാര്‍ത്ഥിവ്-വിരാട് കൂട്ടുകെട്ടില്‍ വിരാടിനെ(23) പുറത്താക്കിയ ശ്രേയസ്സ് ഗോപാല്‍ അടുത്ത ഓവറുകളില്‍ എബി ഡി വില്ലിയേഴ്സിനെയും(13), ഷിമ്രണ്‍ ഹെറ്റ്മ്യറിനെയും(1) പുറത്താക്കി.
പിന്നീട് മാര്‍ക്കസ് സ്റ്റോയിനിസ് പാര്‍ത്ഥിവിനു കൂട്ടായി എത്തിയ ശേഷമാണ് ടീമിന്റെ സ്കോര്‍ നൂറ് കടന്നത്. 73/3 എന്ന നിലയില്‍ നിന്ന് 126/4 എന്ന സ്കോറിലേക്ക് ടീമിനെ നയിക്കുവാന്‍ ഈ നാലാം വിക്കറ്റ് കൂട്ടുകെട്ടിനു സാധിച്ചിരുന്നു. നാലാം വിക്കറ്റില്‍ 53 റണ്‍സാണ് ഇരുവരും ചേര്‍ന്ന് നേടിയത്. 41 പന്തില്‍ നിന്ന് 67 റണ്‍സ് നേടിയ പാര്‍ത്ഥിവ് പട്ടേലിനെ ജോഫ്ര ആര്‍ച്ചര്‍ ആണ് പുറത്താക്കിയത്. 9 ബൗണ്ടറിയും ഒരു സിക്സും അടങ്ങിയതായിരുന്നു പാര്‍ത്ഥിവിന്റെ പ്രകടനം.
