തങ്ങളുടെ പഴയ താരം മോഹിത് ശര്‍മ്മയെ ടീമിലേക്ക് തിരികെ എത്തിച്ച് ചെന്നൈ സൂപ്പര്‍ കിംഗ്സ്. അടിസ്ഥാന വിലയായ 50 ലക്ഷത്തിനു ലേലത്തിനെത്തിയ താരത്തിനു വേണ്ടി മുംബൈയുമായി പോരാടിയാണ് ചെന്നൈ ഈ മുന്‍ ടീമംഗത്തെ തിരികെ എത്തിക്കുന്നത്. കഴിഞ്ഞ സീസണില്‍ കിംഗ്സ് ഇലവന്‍ പഞ്ചാബിനു വേണ്ടിയാണ് താരം കളത്തിലിറങ്ങിയത്.
കിംഗ്സ് ഇലവനും ഡല്‍ഹി ക്യാപിറ്റല്‍സുമാണ് ലേലത്തിന്റെ തുടക്കത്തിലുണ്ടായിരുന്നതെങ്കിലും പിന്നീട് പോരാട്ടം മുംബൈയും ചെന്നൈയും തമ്മിലാകുകയായിരുന്നു. 5 കോടി രൂപയ്ക്ക് താരത്തെ സ്വന്തമാക്കിയതോടെ ചെന്നൈയ്ക്ക് ഇനി ലേലത്തില്‍ ഒരു സ്ലോട്ട് കൂടി മാത്രമേ ബാക്കിയുള്ളു.
