ഡല്‍ഹി ക്യാപിറ്റല്‍സ് ഫ്രാഞ്ചൈസി വളര്‍ത്തിക്കൊണ്ടുവരുവാന്‍ ശ്രമിക്കുന്ന ഒരു താരമാണ് ലളിത് യാദവ് എന്ന് പറഞ്ഞ് ഋഷഭ് പന്ത്. ഇന്നലെ ചെറിയ സ്കോര്‍ പിന്തുടര്‍ന്നിറങ്ങിയ ഡല്‍ഹിയുടെ വിജയത്തില്‍ നിര്‍ണ്ണായക പങ്കാണ് പുറത്താകാതെ 22 റണ്‍സ് നേടിയ താരം വഹിച്ചത്.
ശിഖര്‍ ധവാനുമായും പിന്നീട് ഷിമ്രണ്‍ ഹെറ്റ്മ്യറുമായും താരം മികച്ച കൂട്ടുകെട്ട് പുറത്തെടുത്ത് അഞ്ച് പന്ത് അവശേഷിക്കെ ഡല്‍ഹിയുടെ വിജയം ഉറപ്പാക്കുകയായിരുന്നു. മികച്ചൊരു ഇന്ത്യന്‍ താരത്തെയാണ് ഫ്രാഞ്ചൈസിയ്ക്ക് ലഭിച്ചതെന്നും താരത്തെ വളര്‍ത്തിയെടുക്കുവാന്‍ ടീം പ്രതിജ്ഞബദ്ധരാണെന്നും പന്ത് പറഞ്ഞു. താരം ഇത്തരം പിച്ചുകളില്‍ അത്ഭുതം കാണിക്കുവാന്‍ ശേഷിയുള്ളയാളാണെന്നും ഡല്‍ഹി ക്യാപിറ്റല്‍സ് നായകന്‍ വ്യക്തമാക്കി.
