ഐപിഎലിലെ ഏറ്റവും മികച്ച ഓപ്പണിംഗ് കൂട്ടുകെട്ട് രാജസ്ഥാന്‍ റോയൽസിന്റേതാണെന്ന് പറഞ്ഞ് ആകാശ് ചോപ്ര. മുംബൈ ഇന്ത്യന്‍സിന്റെ രോഹിത് ശര്‍മ്മയും ഇഷാന്‍ കിഷനും മുന്‍ നിരയിലുള്ള ഓപ്പണിംഗ് കൂട്ടുകെട്ടാണെങ്കിലും അവരെക്കാള്‍ ഒരു പടി മുന്നിൽ താന്‍ യശസ്വി ജൈസ്വാളിനെയും ജോസ് ബട്‍ലറെയും ആണ് കാണുന്നതെന്ന് ആകാശ് ചോപ്ര വ്യക്തമാക്കി.
ജൈസ്വാളിന്റെ ഇപ്പോളത്തെ ഫോം ആണ് താന്‍ ഇതിന് കാരണമായി കാണുന്നതെന്നും കഴിഞ്ഞ സീസണിലെ മോശം ഫോമിൽ നിന്ന് മടങ്ങി വരുവാന്‍ ശേഷിയുള്ള ജോസ് ബട്‍ലറിന്റെ സാന്നിദ്ധ്യവും ഈ കൂട്ടുകെട്ടിനെ ഒന്നാം റാങ്കുകാരാക്കുന്നുവെന്നും ചോപ്ര പറഞ്ഞു.
ഡെവൺ കോൺവേ – റുതുരാജ് ഗായക്വാഡ് ആണ് ശ്രദ്ധേയമായ പ്രകടനം പുറത്തെടുക്കുവാന്‍ ശേഷിയുള്ള മറ്റൊരു ഓപ്പണിംഗ് കൂട്ടുകെട്ടെങ്കിലും ഡെവൺ കോൺവേ ഐപിഎലില്‍ നിന്ന് പുറത്ത് പോയത് ചെന്നൈയ്ക്ക് പുതിയ വെല്ലുവിളി സൃഷ്ടിക്കുമെന്നും ചോപ്ര പറഞ്ഞു.
