67 റണ്‍സ് വിജയവുമായി ഇന്ത്യയ്ക്ക് പരമ്പര സ്വന്തം

- Advertisement -

വിന്‍ഡീസിനെതിരെ വാങ്കഡേയില്‍ 67 റണ്‍സ് ജയം സ്വന്തമാക്കിയതോടെ പരമ്പര 2-1ന് നേടി ഇന്ത്യ. കെഎല്‍ രാഹുല്‍, രോഹിത് ശര്‍മ്മ, വിരാട് കോഹ്‍ലി എന്നിവരുടെ അര്‍ദ്ധ ശതകങ്ങളുടെ ബലത്തിലാണ് ഇന്ത്യ ആദ്യം ബാറ്റ് ചെയ്ത് 240/3 എന്ന സ്കോര്‍ നേടിയത്. മറുപടി ബാറ്റിംഗിനിറങ്ങിയ വിന്‍ഡീസ് നിരയില്‍ കീറണ്‍ പൊള്ളാര്‍ഡും ഷിമ്രണ്‍ ഹെറ്റ്മ്യറും മാത്രമാണ് കസറിയത്. വിന്‍ഡീസിന്റെ ഇന്നിംഗ്സ് 173/8 എന്ന നിലയില്‍ അവസാനിക്കുകയായിരുന്നു.

നാലാം വിക്കറ്റില്‍ 74 റണ്‍സ് നേടി വിന്‍ഡീസിന് ഇരുവരും ചേര്‍ന്ന് പ്രതീക്ഷ നല്‍കിയെങ്കിലും 24 പ്തില്‍ നിന്ന് 41 റണ്‍സ് നേടിയ ഷിമ്രണ്‍ ഹെറ്റ്മ്യറിനെ കുല്‍ദീപ് യാദവ് പുറത്താക്കിയതോടെ വിന്‍ഡീസിന്റെ സാധ്യതകള്‍ മങ്ങി. കീറണ്‍ പൊള്ളാര്‍ഡ് വീണ്ടും ബാറ്റിംഗ് മികവ് തുടര്‍ന്നുവെങ്കിലും മറ്റു താരങ്ങളില്‍ നിന്ന് വേണ്ടത്ര പിന്തുണ ലഭിയ്ക്കാതെ വന്നപ്പോള്‍ ടീമിന് തോല്‍വിയേറ്റു വാങ്ങേണ്ടി വന്നു.

39 പന്തില്‍ 68 റണ്‍സ് നേടിയ പൊള്ളാര്‍ഡും പുറത്തായതോടെ ഇന്ത്യന്‍ വിജയം മത്സരം അവസാനിക്കുന്നതിന് മുമ്പ് തന്നെ ഉറപ്പാകുകയായിരുന്നു. ഭുവനേശ്വര്‍ കുമാറിനായിരുന്നു വിക്കറ്റ്.

Advertisement