വിരാടിൽ നിന്ന് ശതകങ്ങള്‍ വേണ്ട, മാച്ച് വിന്നിംഗ് ഇന്നിംഗ്സുകള്‍ മതി – രാഹുല്‍ ദ്രാവിഡ്

മികച്ച ഫോമിലൂടെയല്ല കുറച്ചധികം കാലമായി വിരാട് കോഹ്‍ലി പോകുന്നത്. ലെസ്റ്റര്‍ഷയറിനെതിരെയുള്ള സന്നാഹ മത്സരത്തിൽ താരം അര്‍ദ്ധ ശതകം നേടിയെങ്കിലും പഴയ വിരാടിന്റെ നിഴൽ മാത്രമാണ് വിരാട് കോഹ്‍ലി ഏറെ നാളായി.

വിരാട് കോഹ്‍ലിയിൽ നിന്ന് ഇന്ത്യന്‍ ടീം പ്രതീക്ഷിക്കുന്നത് ശതകങ്ങളല്ല മാച്ച് വിന്നിംഗ് ഇന്നിംഗ്സുകള്‍ ആണെന്നാണ് ഇന്ത്യയുടെ മുഖ്യ കോച്ച് രാഹുല്‍ ദ്രാവിഡ് പറഞ്ഞത്. താന്‍ കണ്ടതിൽ ഏറ്റവും അധികം പരിശ്രമം നടത്തുന്ന കളിക്കാരനാണ് വിരാട് കോഹ്‍ലി എന്നും ദ്രാവിഡ് പറഞ്ഞു.

ആളുകള്‍ ശതകം ആണ് സഫലതയുടെ മാനദണ്ഡമായി കാണുന്നത്, എന്നാൽ മാച്ച് വിന്നിംഗ് ഇന്നിംഗ്സുകളാണ് ഇന്ത്യന്‍ ടീമിന് വിരാടിൽ നിന്ന് വേണ്ടതെന്നും രാഹുല്‍ കൂട്ടിചേര്‍ത്തു.