ഹാഡ്‍ലിയുടെ നേട്ടം മറികടന്ന് ലയൺ, ഇനി മുന്നിലുള്ളത് ഹെരാത്തും കപിൽ ദേവും

ടെസ്റ്റ് വിക്കറ്റ് നേട്ടക്കാരുടെ പട്ടികയിൽ 12ാം സ്ഥാനത്തേക്ക് എത്തി ഓസ്ട്രേലിയന്‍ സ്പിന്നര്‍ നഥാന്‍ ലയൺ. ഇന്നലെ ശ്രീലങ്കയ്ക്കെതിരെയുള്ള അഞ്ച് വിക്കറ്റ് നേട്ടത്തോടെ താരം 432 വിക്കറ്റിൽ എത്തിയപ്പോള്‍ റിച്ചാര്‍ഡ് ഹാഡ്‍ലിയെയാണ് ഈ പട്ടികയിൽ താരം മറികടന്നത്.

431 വിക്കറ്റുകളാണ് ഹാഡ്‍ലി നേടിയത്. ഇനി രംഗന ഹെരാത്ത്(433), കപിൽ ദേവ്(434) എന്നിവരെ മറികടക്കുവാനുള്ള അവസരം ആണ് ലയണിന് മുന്നിലുള്ളത്. ഗോള്‍ ടെസ്റ്റിൽ തന്നെ ഈ നേട്ടം താരം സ്വന്തമാക്കിയേക്കും.

മികച്ച പെരുമയുള്ളവരാണ് ഈ പട്ടികയിലുള്ളതെന്നും അവരിൽ ചിലരെ മറികടക്കാനായതിൽ ഏറെ അഭിമാനം തോന്നുന്നുവെന്നും ലയൺ കൂട്ടിചേര്‍ത്തു.

അഞ്ച് വിക്കറ്റാണ് നഥാന്‍ ലയൺ ഇന്നലെ ശ്രീലങ്കയെ 212 റൺസിന് പുറത്താക്കിയപ്പോള്‍ നേടിയത്. മൂന്ന് വിക്കറ്റ് നേടി മിച്ചൽ സ്വെപ്സണും താരത്തിന് മികച്ച പിന്തുണ നൽകി.