ജസ്പ്രീത് ബുംറയ്ക്ക് ആറ് വിക്കറ്റ്, ഓസ്ട്രേലിയ ഓള്‍ഔട്ട്, ഇന്ത്യയ്ക്ക് 292 റണ്‍സ് ഒന്നാം ഇന്നിംഗ്സ് ലീഡ്

Sports Correspondent

Download the Fanport app now!
Appstore Badge
Google Play Badge 1

മെല്‍ബേണ്‍ ടെസ്റ്റില്‍ വ്യക്തമായ മേല്‍ക്കൈ നേടി ഇന്ത്യ. ജസ്പ്രീത് ബുംറയുടെ 6 വിക്കറ്റ് നേട്ടത്തിന്റെ ബലത്തില്‍ ഓസ്ട്രേലിയയെ 151 റണ്‍സിനു ഓള്‍ഔട്ട് ആക്കി 292 റണ്‍സിന്റെ ഒന്നാം ഇന്നിംഗ്സ് ലീഡാണ് ഇന്ത്യ ഇന്ന് സ്വന്തമാക്കിയത്. 22 വീതം റണ്‍സ് നേടിയ മാര്‍ക്കസ് ഹാരിസും ടിം പെയിനുമാണ് ഓസ്ട്രേലിയയുടെ ടോപ് സ്കോറര്‍മാര്‍.

ഉസ്മാന്‍ ഖ്വാജ(21), ട്രാവിസ് ഹെഡ്(20), പാറ്റ് കമ്മിന്‍സ്(17) എന്നിവരാണ് രണ്ടക്കം കടന്ന മറ്റു താരങ്ങള്‍. ഇന്ത്യയ്ക്കായി ബുംറയ്ക്കൊപ്പം രവീന്ദ്ര ജഡേജ(2), ഇഷാന്ത് ശര്‍മ്മ, മുഹമ്മദ് ഷമി എന്നിവര്‍ വിക്കറ്റ് പട്ടികയില്‍ ഇടം പിടിച്ചു.