ടോപ് ഓര്‍ഡറില്‍ കോഹ്‍ലിയുടെ അഭാവത്തില്‍ ഇന്ത്യന്‍ മധ്യനിരയെ ശക്തിപ്പെടുത്തുവാന്‍ ഋഷഭ് പന്തിനെ കളിപ്പിക്കേണ്ടതുണ്ട് – റിക്കി പോണ്ടിംഗ്

Pantvihari

അഡിലെയ്ഡ് ടെസ്റ്റിലെ നാണക്കെട്ട തോല്‍വിയ്ക്ക് ശേഷം വിരാട് കോഹ്‍ലിയുടെ അഭാവം കൂടിയെത്തുമ്പോള്‍ ഇന്ത്യയുടെ ബാറ്റിംഗ് നിര ശക്തി ക്ഷയിച്ച അവസ്ഥയിലാണ്. രോഹിത് ശര്‍മ്മ മൂന്നാം മത്സരം മുതല്‍ ടീമിലേക്ക് എത്തുവാന്‍ സാധ്യതയുണ്ടെങ്കിലും ഇന്ത്യയുടെ മധ്യനിരയെ ശക്തിപ്പെടുത്തുവാന്‍ ഋഷഭ് പന്തിനെ ഇന്ത്യ കളിപ്പിക്കണമെന്നാണ് മുന്‍ ഓസ്ട്രേലിയന്‍ നായകന്‍ റിക്കി പോണ്ടിംഗിന്റെ അഭിപ്രായം.

ടോപ് ഓര്‍ഡറില്‍ കോഹ്‍ലിയുടെ അഭാവം ഒരു പരിധി വരെയെങ്കിലും പരിഹരിക്കുവാന്‍ ഇന്ത്യ പന്തിനെ അവസാന ഇലവനില്‍ ഉള്‍പ്പെടുത്തണമെന്ന് റിക്കി പോണ്ടിംഗ് പറഞ്ഞു. 2018-19 ബോര്‍ഡര്‍ ഗവാസ്കര്‍ ട്രോഫിയില്‍ പന്ത് ഇന്ത്യയ്ക്ക് വേണ്ടി നിര്‍ണ്ണായക സംഭാവനകള്‍ നല്‍കിയിരുന്നു.

ഓസ്ട്രേലിയ എയ്ക്കതിരെ ഇന്ത്യയ്ക്ക് വേണ്ടി പന്ത് ശതകം നേടിയെങ്കിലും അഡിലെയ്ഡില്‍ ആദ്യ ടെസ്റ്റില്‍ താരത്തിന് അവസരം ലഭിച്ചില്ല.

Previous article“കേരള ബ്ലാസ്റ്റേഴ്സ് അർഹിക്കുന്ന ഫലങ്ങൾ ഉടൻ വരും” – സഹൽ
Next article“ടീമിന്റെ പോരാട്ട വീര്യത്തിൽ അഭിമാനം” – കിബു